محمد العضياني
بين عقد اجتمـاع وبين فض اجتماع=للزمن كلمــــةً تصدق ليا قالها
ان حكم بالوصــل والا حكم بالوداع=عــم هـــذي وهـــذي يعتبـر خالها
ما حسب للجدايل والعيون والوساع=يخطف احــلام راعيهـا ويغتالها
لو تباكت على بابه سنين الضيـاع=ما رجع مـن حنــانه يستر احوالها
مالها الا الرحيل اللي بليــا متاع=تـتــرك الخـــزنة ام اقفــــــال باقفالها
وان تكوّن لديهــا عنه سوء انطباع=تعرف انه يسوق العيـــر باحمـالها
ما معه للكريم ولا معــه للشجــاع=حيلةً لا تضــايق منه يحتالها
لا تعاتب على سيره جميع البقــاع=كل دعـــــوى تنزلها بمنزالها
الرحا مستـديرة والوفاء المستطاع=سيـــق فدوة وجيه الناس وازوالها
والضمير النقي ما هو محامي دفاع=كلما جاء قضيـــة جاك مشتالها
مد فالمد مد وصاع فالصاع صاع=والعرب ما سعى في بخس مكيـالها
من يذمه عشان الزبد فالصيف ماع=يسمع الجابه اللي جــاري ارسالها
لو تغيب الجسارة من قلوب السباع=قيدتها الليـال الســود بأغلالها
الأخ الشاعر
محمد العضياني
هنا أستطيع القول . إني قرأت قصيده وليست ككل القصايد
وهنا الشعر عن الزمن
وهنا الزمن يثبت أن مع مروره شعراء . كتبوا الشعر ورحلوا
ومع مروره أيضاً . يأتي شعراء . يكتبون الشعر برهافة حس وحكمه ورويًه
أحتار . كيف أختار ؟
كل بيت من أبيات هذه القصيده .هو بيت القصيد
محمد
سلمت ودمت ودام هذا العطاء الجزل
صح لسانك وسلم بنانك وجاد بيانك
سجل إعجاب بلا حدود بهذه العصماء
وتقبل تحياتي
التوقيع |
ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد
حراً يموت وحر بالجنحان ينهض بالمطير=حمل الأمانه لو ثقيله قدها يابو فهد
وصل بن وصل الله الثبيتي |
آخر تعديل وصل الشهيب يوم 23-May-2012 في 01:12 PM.