[عزارم]

المشاركة الأصلية كتبت بواسطة سعيد مرزوق العبد

الذيابي ماذكر بالخير والذمه بريه = ينقدونه فالجنوب وينقدونه فالشمالي
قالو انه يحفر الجيان ويطيح خويه =اه ياكثر الكلام اللي ورا قلبي وبالي

المشاركة الأصلية كتبت بواسطة غالب الذيابي

حامل الاسفار كيف يذم قادات السرية=انتفخ ذربه على عمه بعد مسّ العقالي
ان حفرنا ماحفرنا الا برمح ونافعية=يا اصفر العرقوب منت اول تراك من التوالي

المشاركة الأصلية كتبت بواسطة سعيد مرزوق العبد

ههههههههههههههه

اصفر العرقوب

يابعد عمري وروحي خف تعليقك عليه = السرايا عند ابن هندي وانا هاك الليالي
انتفخ جنبه من ام الدوم واهتاش البليه =يحسب انه مثل عمي مادرا انه مثل خالي

المشاركة الأصلية كتبت بواسطة غالب الذيابي

بسّط الله خده الفردوس حماي الونية=يوم مات يحرّج الدلال ويبيع الموالي
ماتساوي من نخلها اقصر بنات المقفزية=ولو يموت العبد حتى الغرس في شرواه ( غالي)

المشاركة الأصلية كتبت بواسطة سعيد مرزوق العبد

عن الحفر ههههههه

الذيابي بعد ما طقيت خشمه في يديه = قام يدعي مالقاله فعل قداام العيالي
في عيون الديش والمرجوج مالي قابليه =مايعرف سعيد غير اللي يعرفون القتالي

المشاركة الأصلية كتبت بواسطة غالب الذيابي

لاتفطن ههه

خيلت فوقك وسمى وبلها طش بردية=ورثعت بك في تخاتيخ المهامه والمفالي
مار عند سعيّده ياسعيد دن الهاشمية=قل غلطت وشيّن الله من هل ام الدوم فالي

المشاركة الأصلية كتبت بواسطة سعيد مرزوق العبد

الولد فالصيف ويقول المزون العقربيه =كله امن العبد خلا الضغط عند ذياب عالي
مايبكوني هل المسحاه ووالدوم وحليه =عبدتي تعرف هواها لاوقف هد الجبالي

المشاركة الأصلية كتبت بواسطة غالب الذيابي

باعوا الورع بعفيف وباعوا العود بضريّة=مرخصين به الثمن من دون شك ولا جدالي
والحفيد اليوم شبعان ويجر السامريه= مثل هاك اللي هجر بهجار واذانه طوالي

المشاركة الأصلية كتبت بواسطة سعيد مرزوق العبد

ا

ابرك امن اللي يدوج ولا معه حتي هويه = يوم يفرح يالريال ويوم مايلقا ريالي
يحسب ان العيد يهجر ياهل الريعان زيه =منهو اللي ياكل امن الدوم ويجمع حلالي

صح لسانك ياغالب واشكرك بعنف يوم لبيت الدعوة وصح لسان العبد