[ابو فيصل العطاوي]

المشاركة الأصلية كتبت بواسطة عثمان الثبيتي

عثمان

كم طلابك يابن عواض بفصول الدراسه =
اشرح اشرح بالدروس وعلم الناس الغشيمه



لو تطيح الروس ولد ثبيت ما ينهان راسه =
سيف ابو طالب بكفه واستحل شدادريمه


فهد

مالـهـم عــداد فـاوسـاط الــوزاره والـرئـاسـه
لو يقولون المناهج مالها فالوقت قيمه

الثبيتـي فـي مواقيـف الفخـر ياقـو بـاسـه
فـي لياليـنـا الجـديـده فــي لياليـنـا القديـمـه




عثمان


العدواه دايمه غير العداوه بالسياسه =
والسياسه نهجها جمع المصالح والغنيمه


ماتهز الريح حصنً ثابت ركوكنه وساسه =
بارك الله بالحصون اللي على الدنيا مقيمه

فهد


الـسـيـاسـه مـاتـبــا الا واحــــد ٍ عــنــده كـيــاســه
لايجيها ريس ِ عينه على الشاشه كريمه


لايـهـمـك واحـــد ٍ يـدفـعــه لـلـسـاحـه حـمـاســه
مـذهـبــه مــاهــو سـلـيــم ونـيـتــه مــاهـــي سـلـيـمــه





عثمان



الدير عنها يجيب العلم مندوب العساسه=
بعضها لونبتها طيب مفاليها وخيمه


لايغرك زول خبلً مستلم كرسي وماسه =
ما اعجب الا امه بزوله ليتها ماتت عقيمه


فهد


الدهر من صالح الحطاب يوم اشتال فاسه
والتهامـي يعـصـب العـمـه وسمـنـه فــي يديـمـه



ماجهلنا في وصـوف الخبـل لـو غيـر لباسـه
لايحسـب انــه ســواة الـحـر ووصـوفـه عديـمـه




عثمان


بيع واشتر واترك الصناع لاتقرب نحاسه=
كان ماتعرفه تلقاله وزان النزل خيمه


واعرف ان الفار نجس ورابيً فوق النجاسه=
فعلته تخرب بيوت وهيبته ماهي عظيمه


فهد

والله انـــــــــــا خــابـــريـــنـــه مـــاعــــلــــى راســـــــــــه حــــــراســــــه
عقب حول في مسيل السيل عقب السيل ديمه


ادري انــــــــك يــاوســـيـــع الــمــعــرفــه عــــنــــدك فــــراســـــه
مـــــن يــقــابــل صــاحــبــي عــثــمــان يــبــشــر بـالـهـزيـمــه




عثمان



سرها مسرا الذياب ولا يجي فيك انتكاسه =
واعرف ان الفرق واضح بين رابغ والقضيمه


الفضا مشحون بالكربون وازتاد احتباسه =
والشباري لو تحجم مافرح غير البهيمه

ما شاء الله تبارك الله
صحة السنتكم والقلوب صحاح
وبيض الله وجيهكم
عز الله ما قصرتوا

التوقيع

الوعي في العقول !!! وليس في ألأعمار !!! ألأعمار مجرد عداد لأيامك ؟ والعقول حصاد فهمك وقناعاتك للحياة ,,