أحبائي
هذه وجدتها بين أوراقي المبعثره في الارشيف القديم
إعتبروها جديده عشان خاطري
بكل وضوح
سألت القلب ليش أعطاك كل الحب والتقدير=أجاب القلب حيث إنك حبيبه يانظر عيني
بكل وضوح حبك شي مايحتاج له تفسير=ولو أن المسافه شاسعه بين العناويني
خلقك الله شيهانه وفتانه ونا ياطير=أبيها تقصر أبعاد المسافه بينك وبيني
أبا آخذ من جناحك ريش حتى أقدر معاك آطير=أحوم أجواك واراعيك واصافحك بيميني
أشوفك مع طلوع الفجر بادي ياصباح الخير=واشوفك مع غروب الشمس تستدعي جناحيني
وبا لويحصل التقصير مني تجعل التبرير=ضروفاً عابره والعسر يأتي بعده الليني
أريدك بالدجى شمعه واريدك للألم تخدير=أريدك بلسم جروحي ولا غيرك يداويني
وبي لاقلت أحبك . تقلها مثلي فقط لاغير=أبيك إبها تصبحني وبيك إبها تمسيني
لعينك تأمر وتنهى وكل اللي تبيه يصير=لعينك لأقطفك وازرعك ورده في بساتيني
لعينك لكتب أبيات القصيد مسطره تسطير=لعينك لاعتبرك أجمل قصيده في دواويني
| التوقيع |
ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد
حراً يموت وحر بالجنحان ينهض بالمطير=حمل الأمانه لو ثقيله قدها يابو فهد
وصل بن وصل الله الثبيتي |