[عثمان الثبيتي]

ربيع

وش اللي صار ياعثمان بالبصرة وفي بغداد === عسى الله يستر الاحوال يالنفس الشقاوية

يقولون الرجال اهل النجف ماتعرف الارصاد === وجاهم تالي الايام غاراتن سماويه



عثمان


عيال الفرس والروم وعيال الترك والاكراد= تبا تقسم صفوف عريبيه يادافع السيه

لكن المشكله باللي عيونه ترغب المرقاد =رقد مال الغناه وسلمت ارقاب الحراميه

ربيع

على قول المثل لابد صياد الفهود يصاد === وهذي من قديم الوقت مبيوعة ومشرية

ترى شقر العصى ياهل المواقف تجرح الاكباد === عقول فارغة وعقول ياعثمان ممليه

عثمان

يموت الحاسد بكيده ويبقى العز والامجاد =نصيب عتيبه الهيلا رجال ًنارهم حيه

مايفرق صفنا خبلً يشيل الكره والاحقاد = كشفنا ماحصل ماعادت الاوضاع سريه


ربيع
عسى الله يبعد الحساد والله يوشي الحساد === عيال آدم وحوى ماتفرقهم مجوسية

نبى نسري سوى مد النظر صوب الجبل من غاد === ولابه شخص يقدر يعترض قدره الاهيه

عثمان
بلشنا في همل ماله وسوم ولا عنه نشاد = نجلي شلقة رعيه وتقبل شلقة رعيه


لكن الليل ياصقرً مقرك عالي الاشهاد = ليا منك رسمت النوز صابوه الشقرديه

ربيع

بلادك لاجفتك ارحل وبدلها بخير بلاد ==== وهذي سكتن من ماضي الايام ممشية

ياعثمان العلاقة غير يابشار يانجاد === واحد منهم مسوي فالبلد شارة مرورية

عثمان

يابن شداد انا قايد والي ربع ومقر وشداد=ولاني مثل منهو عاش بين الشمس والفيه


عيال الجن تخدم والصدف تاتي بلا ميعاد= لكن المشكله قلبي مولع بالسعوديه

ربيع

ترى كل الامور الاوله مهما يصير تعاد ------ وكل الناس تدري فيك ياضلع الحجازية

مافاد الصبر ياعثمان في تال الزمن مافاد ------- يقول الله يعينه صابرن عشرين حوليه

عثمان

قليل الخاتمه يم الضياع مصفر العداد= وانا ماني بعيه واستمع في هرجة العيه


ياهل بانات ماجينا نبا منكم شراب وزاد = عساكم في غناةً دايمه حنا عناويه

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

آخر تعديل عثمان الثبيتي يوم 12-May-2012 في 07:33 AM.