سلام الله علـى ربعـي ولأنـي قاصـد الـزلات=أســــلم ع الــرجــال الـطـيـبـه وأرفــــع مـبـانـيـهـا
أحـب الطيبـه مـن طيبهـم مانقـبـل المـيـلات=رجــــال الطــيــب بطـيـبـهـا تثـنـيـنـا ونـثـنـيـهـا
ولا ياجاهل(ن) بالوقت مانحسب لك الغلطـات=عـلـوم(ن) قلتـهـا وأبديتـهـا من هـو يخفـيـهـا
تـحـذر مــن كـــلام الزور والبـهـتـان واللـجــات=وأخذ وأعطـى مـع أربوعـك ولا تبعـد حراويهـا
ربوعـك درع جنبـك وأنتـبـه لا .. أيـامـك الجـايـات=عسى الله يستر الأحوال ونسلم من بلاويها
أنا أبديت الحقيقـه للرجـال الـلي لهـا هقـوات=لهـا هقـواتٍ مـع ربع(ن) بعـز الطيـب تذريهـا
نصيحه قلتها للي يبـا يسلـم مـن الهفـوات=يـعـز النـفـس ويستـحـي مــن الله لايواذيـهـا