اخواني الكرام
السلام عليكم ورحمة الله وبركاته
طرحت قبل اسابيع هنا قصيدة بعنوان الى من يهمه الامر
وهي موجهة لفئة من المجتمع ولم اوجهها لشخص بعينه
كما قال بن عون ( قلاده ومن ترهم عليه يتقلدها )
وهي على هذا الرابط
http://www.otaibah.net/m/showthread.php?t=137269
وقد وصلني الكثير من ردود الافعال والقصائد كمجاراة لهذه القصيدة
ساقدم لكم اليوم احداها
وهي للشاعر / عبيد بن شجعان بن دهره
واعتذر منه عن التاخير في النشر فقد وصلتني القصيدة قبل اكثر من اسبوعين
هايف بي المعنى وجزل الاساليب=وانقدت لو مالي ورى السوق حاجه
وميّلت في جوٍ فياضه معاشيب=بين الينوف وبين عبلة مواجه
فيه الادامى خنسن فى الاداعيب=قفرٍ من الديّر وطاه ورتاجه
مافيه غير بريثن الطير والذيب=واثار من عصر النضا والحداجه
في متن مبداً فارع(ن) للمراقيب=كم واحدٍ من ضيقة البال داجه
قمت ادرج الافكار واحضر واغيب=واخذت في متن الرفيع ادلاجه
لاعاشقٍ غيدا ولامدوّر ذهيب=ولا لي ورى مبدا المراقيب حاجه
من عادتي ماني بخطف المشاهيب=الا لمن وافق مزاجي مزاجه
لله در مرتب الهرج ترتيب=اخذ حلا ماطاب وابعد هماجه
ضاوي ليامنه بدا للواعيب=المركز الاول توشح بتاجه
ماهوب يشرب من حثال المشاريب=ولاترتعد فرايصه فى المواجه
لولاه ماسقت القدم والمناجيب=خليتها لمدورين اللجاجه
انته علم مالك ومال الحطاطيب=اللي معانيهم مقاضي حواجه
واسبابها المعنى وجزل الهناديب=وبعض العلوم اللي تجي بنعواجه
الشاعر الكبير=عبيد بن شجعان بن دهره