السلام عليكم
هذه كما ذكرت
محاورة الشاعر محمد المسعري (بتار) والشاعر عبدالعزيز العازمي
والبدايه عند محمد
محمد
سلام الله برديه لهابين الردود افعال
نوصلها لشغموم يعقد الحبل ويحله
الايالعازمي نبغي ردودك في قساء الاحوال
مادام انك على شرع النبي وتطبق المله
عبدالعزيز
هلا يامرحبا ترحيب يبقا مضرب الامثال
رساله فالفضا ماتاصل الفجال والدله
أنا ردي تعرفونه وانا رجال معي ارجال
ولاكن الدواسر لايجي مـن يمهم زله
محمد
تقوله وانت ماتعرف وش المخراج والمدخال
حبال في يدك متعقده ماهيب منحله
وانا فالمعضله ضلع تعدي من وراه جبال
وشرهتكم على الي هرج بانت به الخله
عبدالعزيز
يعقدها معقدها لكن يحلها الحلال
يقولون الدوا عند الطبيب مداوي العله
تحمد ربك وخلك محلك في ذرى وضلال
ترى لن شانت النيات تعذر فالذرى كله
محمد
الايالعازمي وشلون تارد وادي ماسال
تعرف ان الشهر محسوب من هله ليا هله
تحذر من بعض الاشيا تراها تذبح الجهال
ولانت بجاهل لاكن جاك العلم وافطن له
عبدالعزيز
مواريد على هداج تيما والحبال اطوال
بعد هل الشهر خل الشهر لاتحسبه خله
اناعقلي يخارجني من الجهال والعقال
ليا واجهت لك جاهل على خط الجهل قله