سعود العصيمي=
وين انت يامرزوق مالك حس فالوقت الاخير=يالله عسى ماانت امتأثر من مناخ المنطقه.
وان كان ما تشكي خلاف صار هذا ما يصير=الي متى بندقـك فالمعـلاق معـك معلقـه.
مرزوق حمدان العتيبي=
جاني خبر ياسعود بالوتساب ثم جيتك مغير=قالوا خويك يزهمك مدري وش اللي مقلقه .
وانا على مثلك تراه يجرني سلـك الحريـر=مشاغل الدنيا ترى اللي راح فيهـا ترهقـه
سعود العصيمي=
الله يبارك فيه ويمسيك يالصاحب بخير=وانا فقدتك والسبب يوم انت رجال ثقه!!
لكن هات العلم والدنيا رحاها يستديـر=والنية احسنها وقوم الفقه تفهم فالفقه!!
مرزوق حمدان العتيبي=
لعل ماتفقد عزيز وعشت يالوجه السفير=هذي مواجيب الصداقه مع صديقك تصدقه
اخر علوم الطقس قالوا مقبل ٍ خير ٍغزير=ترعد وتبرق يابو طايل والعلوم موثقـه
سعود العصيمي=
الله يحفظ من يصون العهد ويعاف الضرير=والشك زايل والوفاء رجل ٍ يباه يحققـه!!
الخير عند الله وخير الله على خلقه كثيـر=والحق من لايظهره ماالله بوفق موفقه!!
مرزوق حمدان العتيبي=
بعض المخايل ماش فيها خير والشر الشرير=ابها ورب الكـون للـي يستحقـه يدفقـه
لكن ياسعود العصيمي خابرك رجل ٍ خبيـر=تبـا تفـك البـاب للعافـور ولاّ تغلقـه ؟!
سعود العصيمي=
اللي على الهدات ضاري مايروعه الصفيـر=جود حزامك والعداء لاجوك اخذهم طقطقه!!
من عام فالبحر الحمر ماخاف من عوم الغدير=لا شفت خد ٍ يستحق الصفق بالكف اصفقه!!
مرزوق حمدان العتيبي=
السيف جا وقته لاعاد اتهمشه وسط الجفير=اللي يصاحبك اكرمه واللي يعاديك اشنقـه
ياسعود ياشين الرغا من عقب قبقاب الهدير=بعض العرب ماودك الا تحرقه فالمحرقـه
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|