[وصل الشهيب]

يابحر قلبي علـى الفطـره يـودك=والسبب وجه الشبه بينـك وبينـي
كم مضى لك وقت مابيحـت سـدك=وكم غدى في داخلك سـر دفينـي
يكفي انـي كـل مـا لديـت قـدك=شفت لاحساسي بوجهك صورتيني
ماتعرف الناس وش مزحك وجـدك=وبك يزود الشك والعلـم اليقينـي
كم نما بك كل مـن حـده يحـدك=وكم على متنك حملـت العابرينـي
وسيد القمـرا ليـا شفتـه يشـدك=شفت فيك اصدق مثـل للعاشقينـي
ما نقص حجمك ومقـدارك وقـدك=حر شمس ! ومد مزن ! وجاحديني
ولو تزيد الريح من تجعيـد خـدك=ماتقول انـك سعيـد ولا حزينـي
في ركودك شي مـن عـزة مـردك=وفي خشوعك من خشوع المؤمنيني
كـن كـل الارض تملكهـا بيـدك=ون بغيت تضمها في بعض حيني
واكبر الاعجاز مـن يقـدر يصـدك=لا غدا للموج في صـدرك حنينـي
جل مـن يقـدر بحرفينـه يـردك=وجل من يقدر يعين الصابريـني
اسحب المعلوق مع جزرك ومـدك=وأقر ماتخفي ضلوعي لـك بعينـي
مايفسـر مقصـدي مـن لايعـدك=صورة بروازهـا صافـي سنينـي

نايف ابن شفاي ابن بشير

صح لسااااااااااااااانك وسلم بنانك

الأخ الشاعر

نايف ابن شفاي ابن بشير

هنا

بحور الشعر أتتك طائعه بعذوبه فائقه

وامتزجت بجمال البحار المالحه لتعطينا شعراً يرضي الذائقه

ويجعلنا نقول

لله درك ياشعر

نايف وقصيده نايفه بإحساس شاعر موهوب موهبه فذَه

نايف


سجًل إعجاب بلا حدود بهذه النادره

الله لايضرُك

تقبل تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

آخر تعديل وصل الشهيب يوم 24-Apr-2012 في 01:14 AM.