[شاعر الدرع العربي]

ويش اسوي بك مدام انك تخاير
خايف اني من جماعتك الدنيّا

ليتني منهم وجيلك يوم زاير
ميــر ماكل امنيه دايم تهيّا

لو تدري في منّك ويش صاير
كان يمكن ماتمادا بالجفيّا

ياكحيل الطرف انا بالحيل حاير
لو بغيت آصد عيّا القلب عيّا

وانت عل الفرقى تسوق من البشاير
ليه قاسي قلب ياسمح المحيّا

والله اني بعدكم حزن الضماير
والله اني مادريت انك كذيّا

والله اني ماكشفت إلكم سراير
بس كيف اسخيت فيه ها السويّا

لاتعاملني كذا مانيب باير
الجفاء من صوبكم*ماله نهيّا

صدفةٍ من بعدها شفت العزاير
والله اني ماعرفك لكن هيّا

روح وانته يارزين العقل جاير
وكان قلبك حن لي كاني هنيّا

ساكنن داورد ماني بالجزاير
ورقمي مخزن معك ليه الغبيّا