[عزارم]

عتيبه من الغطغط يالين الشرايع = وهذيل من الزيمة حتى حفايل
ما قصدي التنقيص و بعض الطبايع=لكن للتذكير يابن الحمايل
حنا ترى يوم السنين الفنايع=وضرب القنا ومرهفات الصقايل
حزنا على قسمٍ جميل ورايع =ذباحة الحايل و كعام عايل
ماهمنا في الوقت بالهرج ضايع=يحرف التاريخ زيف و دجايل
حنا خوال المصطفى يالرعايع=صلوا عليه وسلموا ياقبايل
وحنا لنا التاريخ يمشي طوايع=ولا غصب يعني على الكيف قايل
وحنا ترى الهيلا ماحنا نزايع=عيال جد وزايف القول زايل
وأفعالنا للي غزونا ردايع=وتاريخنا لافعانا دوم هايل
واقوالنا للي هجانا قمايع=ويرجع معيف وفوق خده مسايل
ولو كان رقع مال لقوله رقايع=يرقد و يصبر فوق كبده ملايل
ياما غزونا واحتزم كل بايع= بياع روحه ماحسب للمسايل
وياما غزينا وأشهب الذيب جايع=من فوق هجن و فوق قبٍ أصايل
والحمد لله قسمنا بالرفايع = بالحالتين ولي عليها دلايل
عصرٍ تعدى جعل ماله رجايع= فيه الرجال عزاز ولا ذلايل
اليوم في عصر الامن والنفايع=من تحت حكم جعل ماله بدايل
وأنتم وحنا أخوان والدين شايع =واقولها واعيد والراس طايل