[نايف عناد]

السلام عليكم ورحمة وبركاته

اليوم اشارككم بهذه القصيده واتمنى ان تنال على اعجابكم

يابحر قلبي علـى الفطـره يـودك=والسبب وجه الشبه بينـك وبينـي
كم مضى لك وقت مابيحـت سـدك=وكم غدى في داخلك سـر دفينـي
يكفي انـي كـل مـا لديـت قـدك=شفت لاحساسي بوجهك صورتيني
ماتعرف الناس وش مزحك وجـدك=وبك يزود الشك والعلـم اليقينـي
كم نما بك كل مـن حـده يحـدك=وكم على متنك حملـت العابرينـي
وسيد القمـرا ليـا شفتـه يشـدك=شفت فيك اصدق مثـل للعاشقينـي
ما نقص حجمك ومقـدارك وقـدك=حر شمس ! ومد مزن ! وجاحديني
ولو تزيد الريح من تجعيـد خـدك=ماتقول انـك سعيـد ولا حزينـي
في ركودك شي مـن عـزة مـردك=وفي خشوعك من خشوع المؤمنيني
كـن كـل الارض تملكهـا بيـدك=ون بغيت تضمها في بعض حيني
واكبر الاعجاز مـن يقـدر يصـدك=لا غدا للموج في صـدرك حنينـي
جل مـن يقـدر بحرفينـه يـردك=وجل من يقدر يعين الصابريـني
اسحب المعلوق مع جزرك ومـدك=وأقر ماتخفي ضلوعي لـك بعينـي
مايفسـر مقصـدي مـن لايعـدك=صورة بروازهـا صافـي سنينـي

نايف ابن شفاي ابن بشير

آخر تعديل نايف عناد يوم 17-Apr-2012 في 03:30 AM.