[مشهور الحربي]

هنا ملخص مادار بيني وبين العملاق طلال ناشي

المشاركة الأصلية كتبت بواسطة مشهور الحربي

يامرحبا باهل الربابه مع القوس = والقوس يبدع في فنون الربابه
ماهمني فالوقت نيبان وضروس =سيفي حديد وعزوتي من شبابه

المشاركة الأصلية كتبت بواسطة طلال ناشي

حنا مخظبة الهنادي من الروس = كم راس شيخٍ فعل ربعي غدابه
دام الحياه اوهام و احلام و دروس = هون و سيفك رجعه في جرابه

المشاركة الأصلية كتبت بواسطة مشهور الحربي

بعطيك ثوب ابيض ولاهو بملبوس= واللي عطوك الروس محدٍ درى به
موترك صابونه وناقز على طعوس=ياويل ويلك لو تسيل الشعابه

المشاركة الأصلية كتبت بواسطة طلال ناشي

ياهل المدينه ما نبا منكم ألبوس = ألبوسنا و ألبوسكم ما تشابه
مشهور يبغاله بوشيات و عكوس = والليل الاسود شر ما ينسرابه

المشاركة الأصلية كتبت بواسطة مشهور الحربي

اهل المدينه خزرج انصار مع اوس =بعض العرب ماتنكبه غير جابه
البن في دلتك ماهو بمحموس=لايدق قلبك من طبول الحرابه

المشاركة الأصلية كتبت بواسطة طلال ناشي

أنتم حريبله و ظارين بالحوس = ما انتم من الانصار و لا الصحابه
ما لك و مال الرمح و السيف و القوس = عيش العمر فحظان ما ما و بابه

المشاركة الأصلية كتبت بواسطة مشهور الحربي

حنا ورثنا الدار ياوارث فلوس=طلال ياهل العرف فاقد صوابه
انته كما اللي فعلهم خيط وطقوس=عقوق بعض الناس محرق ثيابه

المشاركة الأصلية كتبت بواسطة طلال ناشي

عشرين راس أمن البقر و أربع أغروس = ميراثكم مابين مكه و طابه
لو قلت لك ما قلت ما فيك ناموس = ما انت أبـ / مجملني في ربعي عتابه

المشاركة الأصلية كتبت بواسطة مشهور الحربي

طردت عنها ضرس مليان بالسوس =طلال ابن ناشي لسانه هوابه
تاريخكم بالطيب بالحيل متروس=في عهد خالد طحت وسط النيابه

المشاركة الأصلية كتبت بواسطة طلال ناشي

منته بلا ريس و لا أنته بمريوس = أبعير لاكن صاحبه ما شقابه
لا تحسبنك جبتلك علم مدسوس = هو فيه أحد تاريخنا ما درابه

المشاركة الأصلية كتبت بواسطة مشهور الحربي

احذر بعير القوم لاتروح مرفوس =طلال يالاجواد ينقل زهابه
الشجره اللي عرقها طق بالفوس=طلال تحت اغصانها طاح نابه

المشاركة الأصلية كتبت بواسطة طلال ناشي

الحبل في راسك يا ريمان ممسوس = ما تحمل المطرق و لا فيك ثابه
صحيح بن الناس كابس و مكبوس = مشهور جعل الله يبارك شبابه

آخر تعديل مشهور الحربي يوم 29-Mar-2012 في 11:58 AM.