[بندر المقاطي العتيبي]

فلاح الشهراني :

قامت رباعية من الوزن الثقيل .. محماس و انا و المقاطي مع فهد /:/ نبا نسريهم ورا سطح القمر .. و اللي عقد روس الحبال يحلها


محماس السلمي :

يا ليل يا ليل السعد ما اطيبك ليل .. ما اطيبك يا ليل التحدي و السعد /:/ يبي يطيب الليل و يطيب السمر .. و اللي عقد روس الحبال يحلها


بندر المقاطي :

قامت رباعيه و صارت حط شيل .. جوك ابن مكرز و ابن عاصي فـ الوعد /:/ ما انته بـ حولي كان رجعت لـ الشعر .. و اللي عقد روس الحبال يحلها


فهد العازمي :

اصحابنا السلمان من وقتً طويل .. و الهم مع الايام حبلً من مسد /:/ و اللي يبي درب القشر يلقى القشر .. و اللي عقد روس الحبال يحلها


فلاح الشهراني :

شفتك من الصوره و اضننك اننك حليل .. قبل امس ودك اتسمع اصوات الرعد /:/ و الليله اشوف الصغير قد كبر .. و اللي عقد روس الحبال يحلها


محماس السلمي :

يا العازمي ماني مدور لك بديل .. ما دامت ان البني اخير من الهدد /:/ تبي توجه لـ السهل و الا الوعر .. و اللي عقد روس الحبال يحلها


بندر المقاطي :

لا تغرك الصوره ترى مثلي قليل .. اشرب فناجيل العرب و انته بعد /:/ صعبً يا ابن شهران تسبح فـ البحر .. و اللي عقد روس الحبال يحلها


فهد العازمي :

ماجيتك الا في يدي سيفَ صقيل .. خل المواجه كان ما عندك جهد /:/ النار شبت كان ما جاك الخبر .. و اللي عقد روس الحبال يحلها


فلاح الشهراني :

انا تراني يا صبي عابر سبيل .. ما ودي احارب عتيبه يا ولد /:/ و اعيد تاريخً على مر الدهر .. و اللي عقد روس الحبال يحلها


محماس السلمي :

وانا معي سيفن حدب ماني ذليل .. آرد حياض الموت وانحر من ورد /:/ يا اهل عفيف استفزعوا باهل قطر .. و اللي عقد رووس الحبال يحلها


بندر المقاطي :

يا عزتي لك لا تحط و لا تشيل .. و الحرب لا قامت اشوفك ترتعد /:/ امحارب عتيبه ترى صعب و خطر .. و اللي عقد روس الحبال يحلها


فهد العازمي :

يومن في حزم الجلد هجنَ وخيل .. السيف ماشفناه والفارس رقد /:/ جينا على وضح النقاء ماهي غدر .. و اللي عقد روس الحبال يحلها


فلاح الشهراني :

حنا ترانا صانعين المستحيل .. و الجيش لا سقناه ما تحصي العدد /:/ و الله لـ اعديكم ورا دولة قطر .. و اللي عقد روس الحبال يحلها


محماس السلمي :

انته سوات الجدي ما تشبه سهيل .. يوم ان نوره ساطع ينير البلد /:/ راع الحفيرة طول عمره فالحفر .. و اللي عقد روس الحبال يحلها


بندر المقاطي :

و حنا عتيبه لاطمينك يا المعيل .. و الجيش لا سقناه نخفي لك بلد /:/ و الله لـ اخفي نسلكم بـ المختصر .. و اللي عقد روس الحبال يحلها


فهد العازمي :

و انته سريت بـ ليل و اخطيت الدليل .. و الناس فيك تلد لكن ماش احد /:/ باين على الجبل قدم الفجر .. و اللي عقد روس الحبال يحلها


فلاح الشهراني :

الجاهل اللي ديس و معاي الدليل .. ومن بعدها راحت عيونك بالرمد /:/ انتم مع شهران جزو من الصفر .. و اللي عقد روس الحبال ايحلهـا


بندر المقاطي :

على علباك وردنا السيف الصقيل .. كلن بـ هاذي عارفن كلن شهد /:/ ما معك يا الزيدي معي غير الصبر .. و اللي عقد روس الحبال يحلها