[ابن سلوم الهيلوم]

في ما مضى كنت استعير اسباب شعري واكتبه
000000واسرج حصان ما ركض وافتح له ابواب الخيال

لين المقادير اوقفت شعري على باب سببه
000000وصارت هموم البعد والفرقا على قلبي ثقال

تسعين ليله ما طفى ضون حناياي حطبه
0000000وقلبي على جاله يفيح من شراييني دلال

الموقف اللي شب في فكري فتيل الموهبه
0000000ماهو ب ودي مير جابته المقادير العجال

انا قتيل اللي طلب قتلي ونفذت طلبه
0000000مالي من المكتوب مخرج لا يمين ولا شمال

قطعت وعد في السنين الماضيه واوفيت به
0000000حيث الوفا بالوعد لو علقم مذاقه للرجال