[أحمد نوآف]

السلام عليكم ورحمه الله وبركاته

مناسبه القصيده /
أنه كآن في عآم 1362هـ كآن شاعرنا مرآبط في الجيش السعودي ـ أعزه الله
في نجران وكانت محبوبته في نجد وكانت تبعد عنه مسافات طويله
وكتب هذه القصيده تعبيرا عن شوقه ولهفته عليها . . .

***

روّح الجمس المصفح و مرواحه عجل=كنه الشيهان مع درب برقا تعتليه
و إقتفاه العج وجاي لربانه طِفَل=لا إله إلا الله , الله يبي من يتقيه
و إن زماء حيداً مقابل ومن دونه وحل=ياصله قدام ترمش عيون اللي عليه
ماطلب خطف الثلاثه والدبل=تكفي الراحه مع الرجل والفكر النبيه
أحسبنه طار لولاي أعاين في الجبل=يوم مريت على الدرب كني مهتويه
قلت للسواق دارك تمهل بالمهل=لا تعرّض للمخاطر وشر تقتنيه
قال أنا ما أسمع ولا أوحي ولا أطيع العذل=الديار بعيد والجمس توني مشتريه
خل صاروخ الصحاري مع البيداء يزل=كود يمسي دار وديار من قلبي يبيه
قال أنا مثلك مفادي وقلبي ما يذل=طز للدنيا وحيٍ عليها نرتجيه
ما علي من الولد ماعلي من الأهل=كود واحد زول هو منيتي بوم أمتنيه
لو بغيت أدله عنه وأتحمل ما حصل=أذكر الخد العفر وأذكر الجسم النزيه
طالت الأيام بيني وبينه يا مهل=وين ضلعان اليمن وين نجد المهتويه
غيبتي عنه زمانين في حكم العمل=لاحداً منه يجيني ولامني يجيه

***

والقصيده لهآ بقيه ولكن هذا ما أستطعت الحصول عليه
ورحم الله الشاعر الكبير وأسكنه فسيح جناته
و إن شاء الله أني سأحآول الحصول على قصائد أخرى للشآعر

آخر تعديل أحمد نوآف يوم 28-Mar-2012 في 01:20 AM.