السلام عليكم ورحمة الله وبركاته
كما يبدو أن قائل الأبيات كان في
تكساس
وقال هذه الأبيات عندما تذكر بلاده :
عدّيـت فـي راس الطويـلـه بتكـسـاس=لـــو ان مـــا بـــه بـالـولايـات مــرقــا
بــرج طـويـل مـانــزل فـيــه قـرنــاس=بــس ازغــر العينـيـن والبـنـت طـرقـا
وهيضت فـي راسـه ثمانيـن هوجـاس=وجـاوبـت فــي جــر المـواويـل ورقــا
وزاد العنـا مـن يـوم شميـت نسـنـاس=نـسـنــاس دار بالـتـواصـيـف شــرقــا
لا واهنـي مـن سنـد (الخـر) عـسـاس=عـســاس ربـعــه والمـواعـيـد بــرقــا
بفروع (جدلا) فوق مـن رجـم قرنـاس=يــوم بـعـض الـنـاس بـالـنـوم غـرقــا
ياطـيـر يالـلـي تــو ذبـيـت الامـــواس=بـك ريـش غرنـوق وبـك ريـش حرقـا
خل الهـداد وخـذ علـى الربـع مـرواس=انــت الــذي فــوق المحيـطـات تـرقــا
وبلـغ تحياتـي علـى عصـابـة الــراس=ربـعـي هــل الـطـولات مـافـيـه درقـــا
عطهم علوم صادقه من طرف (واس)=انـــا بـخـيــر ولاش غــربــه وفــرقــا
لابـاس لـو هرمـس بنـا البعـد لابـاس=لابــاس لــو انــه عـلـى الكـبـد عـرقـا
مـا دامنـي وان عـدت كسّـاب نومـاس=ابـجــدع النـيـشـان والــرمــح زرقــــا
للتوضيح فقط :
(الخر) : وادي معروف ومن اشهراودية الحدود الشماليه
(جدلا) :تقع في جنوب الخر...وهي شعيب ..او خور ...ويسمونها اهل المنطقه (خر جدلا)
(رجم قرناس)بين فرعي (خر جدلا وخر مسعود)
(واس) : إختصار لوكالة الأنباء السعوديه
وسلامتكم