[مهجرس]

هذه المحاورة بين الشاعرين معيض العجي الحربي وخلف بن هذال العتيبي وهي من العصر الذهبي لشعر المحاورة :

معيض :=
يوم جابتنا اليالي ياسلام الله برده =من حقوق الله على اللافي يباشر بالسلامي
بشتري وأبتاع لو لي عن جبال طويق مده =هي تجي بالوسط وانا منتحي قبله وشامي
خلف : =
البقاء بالشاعر اللي يوصل المكيال حده =عالم ٍ يحفظ كتابه مع مفسرة الحلامي
من جبال طويق حتى تنتهي في بحر جده =البلاد بلادكم والأصل يعرف بالأسامي
معيض : =
ما يهون التاجر اللي يعطي الطلاب سده =مايبور بعملته لو دونها عشرين عامي
الوفي يافي ليا جاب الوفى خاله وجده =ويش بصرك بالجمل شقران مردوم السنامي
خلف : =
أكثر التجار خسروا بالسنين المستجده =والسبايب يالعجي خلط الحلال مع الحرامي
الجمل شقران يبرك والوسيمة فوق خده =قادها اللي قادها لين لحقت مخ العظامي
معيض : =
الحكيم ليا بنى بني الشرف ماقط هده =والعرب تعرف شعاع النور جلاي الظلامي
أنت ياللي جبت لي العلم في طرقتك وده =قالوا انك ياصليب الراي ميبوس الحزامي
خلف : =
أنته الرجل الحكيم اليا تلووا بالأشده =والعرب تارد على الحجه مثل ورد الحيامي
مانودي علم مابرق عميلي في مرده =العلوم محدده ومعقدة وأفهم كلامي
معيض : =
أنت متحكم وسيف ذياب تدري ليش حده =والعرب نامت ونقال الوداعة ماينامي
العرب كلٍ فصل ثوبه على طوله وقده =غير ذاك اللي مرامه مايوافق مع مرامي
خلف : =
خابر انه يوم حده للبلاوي دوب ضده =علم اللي ماتفيد إبه النصايح والعلامي
أشهدإن الوقت يامعيض العجي ماعنه صده =بس لو أحركه يزعل خوالي مع عمامي
معيض : =
تدري اني كد نصحته قبل يظهر حشو بده =مير عاصاني وطاوع ولد أبو عليا التهامي

آخر تعديل مهجرس يوم 19-Mar-2012 في 04:09 PM.