حتى لو إنا يا صحيبي نقلنا = نقل الاماكن غير نقل الاخوه
اللي جمعنا الله و مهنة عملنا = واللي فرقنا ظرف وقتك وجوه
فرقا جسد , ولا الضماير لا زلنا = ما نفترق ما دام فينا مروه
ترا المفارق ما يجي لا زعلنا = ولا ليا من كل واحد تفوه
يمكن يجي في حال وفّي اجلنا = وتنزل عظامي فالثرا دون قوه
في وقتها بأعمالنا لنعزلنا = تنفعك دعوة صادقٍ ما يموه
وصله مع الله عن بعض ما فصلنا = لو شكّل النسيان فالجسر فوه
في وقتها إن كان ربي قبلنا = ترا اللقى في دار ما به عنوه
دور الليالي نطقتنا ونقلنا = وأبوي رباني بهيبة سموه
حتى نقضنا فالحياه وفتلنا = وشفنا طمان المجتمع مع علوه
احدٍ تشرّف سمعته لا سألنا = نبراس قوم وشاعم الطيب ضوه
وأحدٍ ليا منا نشدنا فشلنا = طاريه للاجواد مثل العبوه
حتى لو إنه واحدٍ من اهلنا = ما ينفع المكياج وجه المشوه
| التوقيع |
عز الله اني فالوصل ماني بشي !! = ولا الحقوق .. اقولك عد واغلط !!
دام المواجه حظ .. ويحالف الحـي = لابد مايحصل ( هلاوين وإقلـط )
زيـاد الـمـزرمـي
ziadsm@windowslive.com |