السلام عليكم
بحر اول مره اكتب عليه ،، [ مير تقبلوها كماهي ]
مالي على الصبر احتمال =الحزن في كل ليله
ياخذ على الصدر اجتوال =والهم شيخ القبيله
الفال يقفـاه العقــال = والعقل غير العقيلـه
والشعر لو ماله مجال =ماخذت افتش حصيله
والصيف ليله كيف طال =مثل الليال الثقيله
لاهنت ياقلّ الوصال = حرام مافيك حيلـه
الشوق جايلْه إشتعال = والحب راس الفتيله
ياصاحبي سمح القبال = شاعرك قلبه دليله
مشتاق لك في كل حال = مير المسافه طويله
بين الحقيقه والخيال = فيك الفكر شد حيله
تعال لو صدفه تعال = والهجر لاتنحي لـه
متن الحمولات الثقال = مايرتكي للهزيله
ومدام لله الكمـال = لاتطلب المستحيـله