[عثمان الثبيتي]

محمد الذيابي

يامرحبا يالعازمي واللعب ترى المسرى طويل = مانـي مجنـب عنـك ليـن انـك تعـاف الملعـبـه
ياقـيـس ياقـيـس العتيـبـي مابـقـى شــيٍ جـمـيـل = بــــس الــبــلا فـالـنــاس والا ان الـلـيــال مـقـلـبــه


قيس العازمي


دام البقا والعازمي شاعر وفالمسرى دليل ** وان طب وسط الملعبه مافيه شيٍ يتعبه

الناس صاروا يالذيابي بين عدل وبين ميل ** ولا الزمن يأخذ به العاقل دروس وتجربه


محمد الذيابي


ياقيس رحت لنجد والديره ثعى فيها الوكيل = الله وكيلـك ياولـد عاصـي وش اللـي تحسـبـه
الحرب ولى وقتها والرمح والسيف الصقيـل = ماعـاد بـاقـي غـيـر مكـتـوب الايــادي تكتـبـه

قيس العازمي

روحت منها بعد عفت ولا قعد فيها حصيل ** ولا حمانا حرب ولا سلم ماحدٍ يقربه


لاتمتنون الجاهليه كل وقتٍ وله جيل ** والعام ولا اليوم ابن ذايب وشنهو مكسبه

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه