[عبداللطيف الفضلي]

اسمعــيـني هــيــه يالمغــروره = واستفيدي من سماع اشعـاري

ما أحبــك تــشبــهـين الصوره = الشعـر مصبوغ لونه ناري

صبغتك في ناظري محــذوره = زايــد المكــياج بالمعــياري

في وسط لبس الدلع مصروره = والجسم مكشوف للانظاري

بالـمجــله صــورتك منــشـوره = تــسلــب اللي للمجـله قاري

واستـــويـتي بالعـرب مشهوره = كـل منهم عن علومك داري

وش حـلاتــك دايـم(ن) مستوره = عــن عـيـون الناس ياستّاري

وجــهــك المستــور زايد نـوره= يرشد اللي وسط ليله ساري

بالحــيـــا يالفــاتــنـــه مكسـوره = كنّــك اللي تـسكن المـحّاري

في وســط غـب البحر مغموره = مايطولك كود من هو ضاري

يحــمي الشــوك القـوي زهوره=يــحــرسك من كل شر الباري