صحة الألسن والقلوب
حوار عمالقة وكبار
من أجل ذلك لخصت لكم المحاورة للمتعة :
اقتباس:
المشاركة الأصلية كتبت بواسطة سلطان الجـذع
/
/
سلام ياقافٍ على معناك تعّبت الهجوس = ويا مرحبا يا ساعةٍ جينا على ميعادها!!
الضحكة اللي عمرها محدود في الوجه العبوس = عن موتها وش كثر باقي ياسنة ميلادها!!
|
اقتباس:
المشاركة الأصلية كتبت بواسطة عجاب الدغيلبي
حييت ياقافي وهوجاسي ثري ٍ بالدروس=ودام البقاء في ساعةٍ ربي بفضله زادها
ماعاد فيها ضحك دام الريح قفت بالغروس=الطق في سبع الأراضي لا تشد أوتادها
|
اقتباس:
المشاركة الأصلية كتبت بواسطة سلطان الجـذع
..
.
الله الله
سبحان ربٍ في المواقف حط فوق الروس روس = اليا متى الروس الصغيرة ما تكب عنادها!!
انا اعرف اهل المصلحة ماتمشي الا بالفلوس = الوقت خلاها رهاين في يدين اسيادها!!
|
اقتباس:
المشاركة الأصلية كتبت بواسطة عجاب الدغيلبي
نفسيتك مرتبطة بحالات الأجواء والطقوس=يمكن بلاك الدلة اللي زدت كيل قنادها
المصلحة لاخالفت منهج عزيزين النفوس=ماهي لنا !! يمكنها تسقيك من ميرادها
|
اقتباس:
المشاركة الأصلية كتبت بواسطة سلطان الجـذع
..
.
الله الله .
والله ما اروح أدوّر المحماس والبن محموس = العام يوم النار من كفي قديح زنادها!!
الحق ثابت والشهود بغرفة القاضي جلوس = وانا مورد في القضية حجتي واسنادها!!
|
اقتباس:
المشاركة الأصلية كتبت بواسطة عجاب الدغيلبي
وش عاب أبو زيد الهلالي يوم حب العيطموس=أهم شي إن الهنوف معربين أجدادها
ماتنتصدق حجتك لو تحلف اليمنى الغموس=منبوذ حتى من شعوب المملكة وبلادها
|
اقتباس:
المشاركة الأصلية كتبت بواسطة سلطان الجـذع
..
.
الله الله .
العيب يوم تروح صيدة ليل للذيب الفروس = والوقت يحسب والليالي ما فصل عدادها!!
العام تمدح في الربيع وترسل اصحابك عسوس = يغريك براق المزون ويخلفك رعادها!!
|
اقتباس:
المشاركة الأصلية كتبت بواسطة عجاب الدغيلبي
اللقمة اللي بين تأثير النواجذ والضروس=أقفت سوات الزرعة اللي صامل ٍ حصّادها
يوم الكرامة قلطت وأنته يدينك فالدسوس=ودك بها مير الكرامة عنك قطع إمدادها
|
اقتباس:
المشاركة الأصلية كتبت بواسطة سلطان الجـذع
..
.
الله الله
يابو سعد ما ودنا نطلق من السجن محبوس = حتى تصحي عين ابو عرام من مرقادها!!
كرامةٍ ماهي بإلي في ذمة الحظ النحوس = وانا بنفسي عز عن بعض الرجال وزادها!!
|
اقتباس:
المشاركة الأصلية كتبت بواسطة عجاب الدغيلبي
سيارتك علق مثبتها تدوس أو ماتدوس=أبنصها وبريكها ماضرها مافادها
كرامتك يمكنها حول النصارى والمجوس=مافيه مانع لو تصير أعيادك مع أعيادها
|