[فهيد الايدا المورقي]

بسم الله الرحمن الرحيم



اللهم لا تواخذنا بما فعل السفاء منا لا حول ولا قوة الا بك سبحانك انا كنا من الظالمين


بلغ السيل الزبا

ماعاد وسط عروقنا دم ن يفور=ان كان في هالوقت ياناس مافار
في ديرة التوحيد في منبع النور=في مهبط الوحي السماوي والاذكار
يشتم عظيم الملك في عدة سطور=ويشتم رسول الله على الشاشه جهار
بحرية الاراء والعقل والشور=وبثقافة الماريوت وتجديد الافكار
وبموجب التنوير موقف ومنظور=وبقناع علماني على قناعه ستار
رويبضة هالوقت جاتك بحنجور=تنفث سموم ولا تحسب للاخطار
بتويتر التغريد ترسل على الفور=عليها لعنة الله امرار وامرار
تدفعها الاموال الكثيره بلا شعور=وحماية التقصير ياقصار الاعمار
اليا تدحرج راسها في ثرى البور=لا زال يلحقنا من اللوم تذكار
وشلون وحنا ما بنا راس منعور=وعلى الحمايا نشري الموت باسعار
نراقب الاوضاع واقلامنا حضور =صوره ولكن حبرها ببطنها بار
نكتب ليا زاد الغلا راس اظفور=ونشتب ونستنكر جشعكم ياتجار
ياالله ياعالم متى نفخة الصور=يالوالي العالي ياغافر ياستار
ياخالق ن كونك من جبال وبحور=يارزاق ن كل الخلايق بمقدار
لا تواخذ عبادك على نقص وقصور=ولا تترك اللي جعل مثواه للنار
ويامحمد المرسل لنا رحمه ونور=ياخيرنا ياتاجنا سيد الابرار
ياخير الامه ذنبك ان صار مغفور=ياشافع ن للناس في يوم الاقرار
امتك سامحها على حكي محقور=من بعد ربي مالنا غيرك انصار
وياخادم البيتين لا تقبل الزور=احكم بشرع الله على كل الاشوار
وياخادم البيتين لا تقبل الزور=احكم بشرع الله على كل الاشوار

الشاعر/ محمد المرشدي

التوقيع

حسابي في تويتر faheed_1234