يارجل و شلك بالشقا والشقيين=خليك في درب الوفاء والصداره
خليك في درب الوفا والوفيين=مالك مال اللي تغير مساره
يارجل دنيآ ماعليها مضامين=كلن تعب منها وذاق المراره
احدن يحسب الليل بحساب ليلين=واحدن رقد مرتاح في وسط داره
واحدن من الفرقا همومه ملايين=واحدن علي قلبه سوات الستاره
واحدن كما طيرن كسير الجناحين=لاحظ يسعى له ولامن جداره
واحدن ورثله شايبه بالملايين=في كل ديره بانيله عماره
واحد ماجاب أبوه غير الديايين=يشد من حاره ويسكن بحاره
واحدن رماه الوقت وسط المساجين=هذا يصيح وذاك صدر قراره
هذي هي الدنيا علي كل وجهين=كلن يذوق من الشقا والمراره