[محمد الذيابـــي]

قصيدة ارسلتها للأخي وصديقي الشاعر / فهاد بن حجاب الحنيني,,

سـبـحـت فـــي بـحــر مـــن الـشـعـر غــطــاس=أغـــــوص فـــــي عـمــقــه واجـــيـــب الـثـمـيـنــه
أنـظـم بـنـات الفـكـر مــن قـلـب واحـسـاس=شـــعــــر عـــلــــى وضـــــــح الــنــقـــا نـاظـمــيــنــه
لابـــــاس يــاعــيــن الــشــقــا الــفــيــن لابــــــاس=وعــــــــن لــــــــذه الــمـــرقـــاد دايــــــــم حــزيـــنـــه
لن ضاق صدري قمت وأبعدت الارماس=وأبــعــدت عــــن ضــــول الــعــرب والـمـديـنـه
فــــــي عــبــلــة تــنــبــت خـــزامـــى وبــســبـــاس=وايــــضــــا الــبــخــتـــري والــــزهـــــر خــابــريــنـــه
ومـريــت أخـــوى الـلــي فــريــد مــــن الــنــاس=مـــاهــــو مـــــــن امـــــــي والـــعــــرب عـارفــيــنــه
فــهــاد يــابـــن حــجـــاب يـاطــيــب الــســـاس=الله يــــــرضــــــا لــــــــــــي عــــــلــــــى والــــديــــنـــــه
ياجـعـل يفـدونـك هــل الـكـذب الانـجــاس=واهـــــــــل الــــكـــــلام الـــشـــيـــن ومــروجــيــنـــه
أجـهــر بـهــا بـالـصـوت وابــــا ارفــــع الــــراس=لا بـــعـــث أبــــــو وجــهــيــن والـــلــــي يـعــيــنــه
أونــس عـلـى كـبـدي مـثــل جـــز الامـــواس=مــــــــن هــــرجـــــة الــــهـــــراج ظــــلـــــم بــعــيــنـــه
ولا هـمــنــي وش قــــــال يـــاخـــوك بــقــيــاس=حــســافــتـــي مـــمـــشـــاي بـــــــــاول ســنــيــنـــه
والله لـــو يـحـلـف مــــن شــعــور وأحــســاس=تـــــحـــــرم يــمــيـــنـــي مــاتـــصـــافـــح يــمـــيـــنـــه
هــــذا مــاهــو مـكــســب لا بالله الافـــــلاس=والـــــلــــــي ســـــواتــــــه مـــانـــشـــدنـــاه ويــــــنــــــه
طــــــراه مــــــدري مـــيــــر طـــــــراه الانـــجــــاس=أهـــــل الـقــلــوب الــلـــي تــنــاضــح ضـغـيــنــه

رد الشاعر الكبير / فهاد بن حجاب الحنيني الحربي.

بسم الله الرحمن عن كل وسواس=انا اطلبه ينزل علينا السكينه
وبديت رد القاف من فوق قرطاس=ولا اخذ سوى من جوهر الشعر زينه
درة وياقوته وعقدٍ من الماس=ماخذ من جزاله يكود السمينه
سبك الذهب مافيه فضة ولا نحاس=مثل الحريب ابو حدودٍ سنينه
هيضٍ وبيض وفيض ومقارع اجراس=واحيان راع الشعر شعرة يدينه
كم بيت شعرٍ لجيال دراس=يبقى مع الحيين متوارثينه
ومدام ذعذع لي من البوح نسناس=قلت الأمانه في يدينٍ أمينه
بعيد عن سود النوايا والاشراس=قريت مضمون القصيدة بحينه
من عند من عرفه معزة ونوماس=وحبال خوتنا الوثيقه متينه
تكرم عن اللي تحت الاقدام تنداس=محشومة عن كل زله وشينه
يامحمد بن وريد وان صار لولاس=الله يرضى لي على ناجبينه
فدوة رجوله كل خاين وبلاس=واهل الكبر واهل النفوس اللعينه
وان كان قصدك من غثاها التوناس= تحرني وامر السفر محتسينه
بكرة وبعدة والفرج يتبع الياس=ودون الخوي غال العمر مرخصينه

التوقيع

التوقيع محمد الذيابـــي