بسم الله الرحمن الرحيم
هذه القصيد رثاء في فقيد الشعر الشاعر الكبير /محمد بن نجر الكبير العضياني العتيبي
الذي انتقل إلى رحمة الله يوم الإربعاء 1433/2/17 تغمده الله بواسع رحمته
يابو بدر لج قلبي بين الأضلاعي= لجت خلوجآ مضيعتن ولايفها
فزيت من هاتفك فزات مرتاعي = ودموع عيني عجز كفي يكفكفها
بأسباب فرقا رفيق الجنب وذراعي = اللي ليا ثقلت الحمله يخففها
خبير شعر النبط موهوب الابداعي = يوم غيره ليا ضاقت تسلفها
حتى يقولون وش هالشاعر الواعي = وشلونجاب النوادر كيف ولفها
في وقت مايعرف المرعي من الراعي = كل القوانين فالساحه مخالفها
رحل خبير الجزاله وافي الباعي = اللي يسوق القصيده لين يوقفها
مذخور من ذكرهم بالطيبه ايذاعي = بين النشاما تميزها مواقفها
مذخور من ذكرهم عطرأ للأسماعي = بالمرجله والوفاء بيضآ صحايفها
رحل وعقب وراه صقور وأسباعي = في ساعةً كل مخلوقآً مصادفها
لكن يامستجيب لدعوة الداعي = نطلبك عفوك ليا ضاقت محارفها
ترحم فقيد القصيد وشيخ الإبداعي = اللي يجيب النوادر من مصارفها
لاعود الشعر بين أنصاف وأرباعي = عند الشواعير ابو يندر يخالفها
باللي تخلي سموع الناس تنصاعي = لأسماعها من جزالتها وموقفها
يتعب على النادره بالفكر ويراعي = الكلمه اللي تناسبله يوظفها
الشاعر/ مطلق بن صويبر بن ثلاب