[القسامي511]

بسم الله الرحمن الرحيم
السلام عليكم ورحمة الله وبركاته

قصيدة جديدة لشاعرنا القدير سعود بدر واتشرف بأن أول من يحتضنها على صفحات النت هو منتدى الهيلا عتيبه .
`
`

الوسام اللي لبسته على متني رفيع = = = ماحملت شعاره الا بعد دست خطره

تاج راسي فعل يمناي مال احدن صنيع = = = قاله اللي داس درب الخطر لين اعبره

والولد بين العرب لاكسب علمن يشيع = = = طلق وجهه مدح نفسه وعلمه واخبره

واعرف ان الطيب بين العرب حق الجميع = = = حي وجه اللي يلد له شوفه وانظره

واعرف ان الوقت لاحارب الرجل الشجيع = = = وقفه بين المخاليق في ضل شجره

واعرف ان اللي يتوكل بربه مايضيع = = = ينصره بين المخاليق ويشد ضهره

الزمن مثل الجمل قصر خطامه يطيع = = = لين حتى ينحني مثل حني المسطره

ياسحاب الصيف منت بمثل مزن الربيع = = = مختلف حتى نباتك اليا صب امطره

الشاعر/ سعود بدر العتيبي... راع الكايدة

آخر تعديل القسامي511 يوم 26-Jan-2012 في 03:08 PM.