السلام عليكم ورحمة الله وبركاته
عدنا بالغزل ولو اني لست من المكثرين فيه
انـا احسـب ان الزيـن فــديـار بـيـروت
واثــر الـحـلا فـالـي يجيـهـا سـيـاحـه
ياواحـدٍ شفتـه مــن الـزيـن منـحـوتي
يمشـي مـع اهلـه ماليتـه المـلاحـه
لبسـه خفيـف ولابـسٍ فوقه الكــوت
يـدراه مـن بـرد الهـوى ومــن ريـاحـه
في ديرته مستـور مايلبـس السـوت
مـــن ديــــرةٍ مـاتـعــرف الانـفـتـاحـه
واليوم في بيروت في مطعـم التـوت
الـزيــن مـاخــذ راحـتــه بإنـشـراحـه
مايدري اني من بـلا الشـوف بامـوت
وانـــه خـطـيـرٍ للـخـفـوق وجــراحــه
ياليتـنـي يـاغـض الانـهـاد بـسـكـوت
يومـك تبـيـه ولــه بنفـسـك طمـاحـه
ماغير كلني وادخل الجوف بسكـوت
واشكرك يوم ان لي بجوفك مساحه
خليتـنـي مــن زيـنـك اقــرب الـنـوت
واكتب عن شعوري وأقـول الصراحـه
ياليـتـنـي يـاناس مـاجـيـت بـيــروت
ولاشفت مـن جاهـا وصـار اجتياحـه
فارس بن طلق الصوينع