[محمد الذيابـــي]

,,


.


تزوجت فتاة تدعى(( هيا )) من بني سالم من حرب برجل وكانت حالته المادية ضعيفة وقد قام والد هذة الفتاة بإستدراجها وأخذها من زوجها وهي كارهه
وفي أحد الأيام قالت قصيدة وهي تتذكر زوجها:

يامل عينٍ حاربت سوجة الميل=على عشيرٍ بالحشا شب ضوه
عليك ياللي طبخته نصفها هيل=اللي سعى بالطيب من غير قوه
المال ماطيّب عفون الرياجيل=والقل مايقصر براع المروه
ياعنك ماحس الرفاقه ولا قيل=ذا مغثيٍ ماينزل حول جوه
وله عادةٍ ينطح وجيه المقابيل=هذي فعوله بالمراجل تفوه
أجواد نسل أجواد جيلٍ بعد جيل=الطيب فيهم من قديمٍ وتوه

وكانت القصيدة على مسامع والدها الذي أظهر الندم على مافات وقد قام بتكميل ابنته وارسالها الى بيت زوجها,
ومن المعروف أن المرأة البدويه قديماً لا تتزوج الرجل كرجل فقط وانما لطيبه وشجاعته وصيته بين العرب..

التوقيع

التوقيع محمد الذيابـــي