عبدالرزاق النفيعي=
ياسعود احسب حسابك دقايـق لا تـروح=ودنا ناخذ لنا قـاف متعـوبٍ عـلاه !!!
انت في تال الليالي بـدا عنـدك طمـوح=لو تطول الجدي يمكن تجيبه من سماه !!!
سعود العصيمي=
غن يابن سعود لكن سرك لايبوح = من فعل فعل الوفاء له مع العراف جاه!!
انت تدري اني طبيب ٍ مداوي للجروح = كل جرح ٍ لاحضرنا نحضر له دواه!!
عبدالرزاق النفيعي=
لا توقّع فالسهل خلّها فـوق السفـوح=الجبل حاول تطوفه لاتقعد فـي ذراه !!!
والله انّا مانذمك .. من اطوال الشبـوح=وان غلبك الامر خلّك تحت كم العباه !!!
سعود العصيمي=
والله اني لاشعم النار بالزنـد القـدوح=فوق قوم تترك الصوم واتكب الصلاه!!
المخايل برقها من على راسك يلـوح=لو يسيل السيل شال النفيعي وقصراه ؟
عبدالرزاق النفيعي=
شب نارك يالعصيمي عسـا قـدرك يفـوح=لجل بكرة يالعصيمـي نغنيلـك حـداه !!!
ابك انا مانيب ضدك .. معك .. ماهي مزوح=افحص المعنى ودوّر ومـن دوّر لقـاه !!!
سعود العصيمي=
في سفينة نوح ما يركب الا قوم نوح=ماورد عد الروى واحد قاصر رشاه!!
مار قلي وش سبب ماكتبته فوق لوح=كان مانت بجاني ٍ ماعليك من الجناه!!
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|