اقول انت يالاعضاء اتركو عنكم الهياط والله ثم والله لو الواحد يملك ابل مزايين ويبيع البكره في مليون او اكثر انه ماراح يتاخر في الشراء والبيع ولكن هنا كل واحد يتكلم على حسب ماتسمك معه وكل واحد يبحث عن موضوع يثير فيه النقاش ويلفت الانتباه لكتاباته مثل اخونا بالله صاحب هالموضوع الغريب ان الاعضاء كانو متحمسين في السابق عندما كان هناك منافسه بين فنجال وهيف وكل واحد يصفق لفنجال وكذلك لغيره من المشاركين من ابناء قبيلتنا الغاليه واليوم ماشاء الله فتح الله على قلوبكم واصبح المزايين ماله داعي وحرام كيف البكره او العقود يباع بالمبلغ الفلاني وكل واحد منا اللي ردو وده ان عنده بكره تباع لو في مبلغ مائة الف ريال اقول ياجماعه والله العظيم اسعار الماعز والتيوس الزين منها يباغ الان على مائة الف ومائتان الف . وبعدين انا صراحه انقد اخي كاتب هالموضوع لانه قام يذكر اسماء ناس المفروض انه يتكلم عن الموضوع بدون اسم فلان او علان ولكن يمكن ان له اهداف اخرى .
وبعدين ترى مافيها شي الرجال اللي الله رازقه ومعطيه مال وفير ماهو حرام لو شارك بالمزاين وفتح له صيوان كبير يستضيف فيه ابناء قبيلته وابناء القبائل الاخرى كل من جاء للصيوان حصل الشحم واللحم والهيل والبن والعود الازرق ومافيه شي لو استعرض مالديه من خير مع العلم اني واثق بان اغلب المشاركين معطين الجانب الخيري حقه من التبرعات وبناء المساجد فعلى سبيل المثال للحصر عندك الشيخ ابا الروس العنزي باني مسجد كبير في الحي الذي يقيمه فيه وانا احد جيرانه مسجد جامع على مستوى عال وكل يوم جمعه بعد الصلاه عنده قهوه ووليمة غداء للجيران وللضيوف .
ان اقول اتركو عنكم الحسد وعرفو ان ربعنا فيهم خير وعلمهم غانم
اما سالفة انه المفروض ان الشيخ فلان بدل مايشترى ويكرم في ام رقيبه يطلع المساجين من ربعه
ياخوي ثلاثة ارباع المساجين خاص المسجونين بديون تحصلهم مباطلين ومتعمدين انهم ياخذون فلوس الناس ولا يسددونهم من شان يدخل السجن ويطلع بصك اعسار وبعض المساجين ودك انه مايطلع من السجن ودك يخرث فيه . تحياتي لكم