يسعدلي مسائكم بكل خير
ياطير ياللي بالسماء تنفض الريش = من الساحل الغربي عطيتك رساله
ماهي على الأبراج غلطه وتشويش = على جناح الطير صعبِِ مناله
طيرٍٍ تعلى فوق حد النواتيش = يبغى السماء والارض ماله وماله
ملفاك أهل ساجر وخص الحناتيش = ربعي هل الطولات وأهل العداله
أهل الوفاء ريف الكبود المعاطيش = وأهل السخاء والجود لاجاء مجاله
تشهد لهم قب الأصايل مع الجيش = وتشهد لهم نجد وعوالي جباله
واليا غدى فعل المراجل تناويش = إنشد وتلقى للمواقف رجاله
عطهم سلام مثل وبل الرشاريش = وإعداد ماخيل وسرى خياله
على العجل ياطير خص المداغيش = عطهم سلامٍٍ تحتويه الرساله
ماخالطه زيف القلوب المغاشيش = اصفى من الدر المصفى لحاله
أخوكم الشاعر/ نشمي بن مقعد بن نايف العازمي العتيبي
وكالة الحرس الوطني بالقطاع الغربي
آخر تعديل نشمي مقعد نايف العتيبي يوم 07-Jan-2012 في 03:57 AM.