عبدالله بن شايق=
حضرت لجل العاطفي والعطاوي =
هذى النسب هذى الحسب والهقاوي=
وان شفت ذيب تالي الليل عاوي=
الذل في بعض المواقف شجاعه=
بيني وبينك يالرياحي شوط= حرارته تسعين في الميه
حنا شرينا بالعتيبي نسبكم =
حظ كسبتونا وحظ كسبكم =
هذى حسب ظني وهذى حسبكم=
والذل في بعض المواقف شجاعه =
تبغى الحقيقه جونا مظبوط = افراح والقاعه رومنسيه
فيصل الرياحي=
حنا حضرنا وانت منت بغايب=
نبا نسافر في ضهور الركايب=
حتى تكر خشومها في الهبايب =
والذل في بعض المواقف شجاعه=
هلا هلا بالسكر المخلوط =يابو شنب صبرك عى العيه
الله يعينك يابن شايق دقايق=
والبال مهما كان ماهو بضايق=
واهل المعرفه يرغبون الحقايق=
والذل في بعض المواقف شجاعه=
بلشت بالمندي وبالمضغوط= واصحابنا قالو سعوديه
عبدالله بن شايق=
سوق الركايب وابشر اني خويك =
واخضع لوجه الله واتبع نبيك =
العام وقف ميتك دون حيك=
والذل في بعض المواقف شجاعه=
سيبوط ياهل المنطقه سيبوط=وانا نقلت اسم الرياحيه
وانا كذلك مابعد ضاق صدري =
وان مادريت اليوم والصبح بدري=
بدري تسريني يابو زيد بدري=
البنت عمهوجه وانا شمحوط=طمحتها غصب وجبريه
فيصل الرياحي=
داويت قلب الي حصل فيه جلطه=
في واجبي واظن ماهي بغلطه =
انتا تبيها نظم واقول قلطه =
والذل في بعض المواقف شجاعه=
السالفه ماهي بمهد خطوط=تالي النهار اطلع من الفيه
البنت ماتعشق كثير المنامى=
تقول يالنايم عليك السلاما=
وثيابه ماهي بريش النعاما=
والذل في بعض المواقف شجاعه=
والله ماتاخذها بدون شروط=وشروطها من غير ماويه
عبدالله بن شايق=
الفيه الي قلتها عزوة لي =
انا لها قلبي وعيني وكلي=
وان كان صار اللعب ضحك وتسلي=
الذل في بعض المواقف شجاعه=
ياقشر بيت العنكبوت خيوط = وبيوتنا في نجد مبنيه
انا رقدت وذاقت النوم عيني=
والبنت جتني وانطوت في حظيني=
والحمد لله جودتها يديني=
والذل في بعض المواقف شجاعه=
راحت ثمود وقوم عاد ولوط =ذنوبهم عبره الاهيه
فيصل الرياحي=
يارجل ماقلت لك رح عن جماعتك=
لاكن اقول لك اضبط على الوقت ساعتك=
واذا شرتك ايدين وايدين باعتك=
الذل في بعض المواقف شجاعه=
مايقعد الا العاجز المربوط=مربوط لاهذي ولا هذيه
حره ولا تمشي معك بالبساطه=
وانته ليا الحين على البلاطه=
لاكن اقول ادفع عليها وساطه=
والذل في بعض المواقف شجاعه=
وان رحت صوب القاهر واصيوط=تجيب لك من مصر مصريه
ابن شايق=
ماني بعاجز غير مالي مصالح=
مفلح على وضح النقى وانت فالح=
اشرب غدير الروض والبحر مالح=
والذل في بعض المواقف شجاعه=
العبد في خده ثلاث شخوط = ويحد سيفه للحراميه
تكفى تكلم لي وحاول توسط =
واليا لقيت الخير والبسط بسط=
وبسط يدينك يابيض الوجه بسط=
والذل في بعض المواقف شجاعه=
والي تعركش راسه الممشوط= يخاطب العالم بجنبيه
فيصل الرياحي=
لاوالله الا يابن شايق لا والله=
دسيت راسك والسلامه على الله=
والربع قالو لك ماشاء الله ماشاء الله=
الذل في بعض المواقف شجاعه=
الغصن يومي والورق مخروط =عارض ذعاذيع اليمانيه
الله يابن شايق يمسيك بالخير =
خلك ذهيب وخلنا لك مداوير=
والله يعاونا بطول المشاوير=
والذل في بعض المواقف شجاعه=
شّكر ترى زاد العشاء مصفوط=والناجحه تسبق على النيه
عبدالله بن شايق=
لا والله الا يالرياحي تعديت=
نقصت في حقي وقصرت واخطيت=
لاشك كيف اصبحت وامرحت وامسيت=
الذل في بعض الواقف شجاعه=
كل (ن) يدور حبه الملقوط =والشك فيكم مادخل فيه
الي تدور له لقاك ولقيته =
شراك وانته عاجز ماشريته=
والشاعر الي جالس في ونيته=
الذل في بعض المواقف شجاعه=
الكهرباء والماس تضرب شوط=والناس ماموره ومنهيه
فيصل الرياحي=
انا ما اسبك خل حاجبك يضحك=
ماغير احكك لاجل تطلع محكك=
حتى تعرف الناس جدك ومزحك=
الذل في بعض المواقف شجاعه=
لابد لك من ضربه بالسوط=تخرجك من بيت العزوبيه
الناس ذا يرفع وذا محطوط =وعلوم مفضوحه وسريه
عبدالله ابن شايق=
ترى ابن شايق تضحكه من علومك=
واليا بغيت تحككه مايلومك=
لاشك في ذي الحككه وش لزومك=
الذل في بعض المواقف شجاعه=
تواير الفكسار ست جنوط=وانا معي رخصه عموميه
ان كان تبغى عرفنا مرحبا بك=
ابشر برجال يقدر جنابك=
ياشاعر في اللعب نحسب حسابك =
والذل في بعض المواقف شجاعه=
بعض السوالف جنبها مخبوط=وش كلفك لا لك ولا ليه
فيصل الرياحي =
ابغاك تضرى بالتحكاك واللمس =
حتى نقول اليوم ماهو بمثل امس=
واحذر تقول بصوتك الزين والهمس=
الذل في بعض المواقف شجاعه=
الشله الي دمهم مشفوط=حدوك من دون البجاديه
مافيك باس الله لايكتب لك الباس=
لاكن ماتصبر على حد الامواس =
وان قلت لك ويش السبب قلت حساس=
الذل في بعض المواقف شجاعه=
لاباس ياتلميذي المبسوط=مرتاح ودروسك خصوصيه
عبدالله بن شايق=
ثمن كلامك وارفعه يالرياحي=
مادامني صاحي معك وانت صاحي=
ياطير يابو ريش رف الجناحي=
والذل في بعض المواقف شجاعه=
مالي ومال النصر والشبوط = الحر له طلعه وحريه
انا وقفت بموقفي وانت خابر =
وقفه وفاء وقفت فهد دون جابر=
والفرق قرق الحي واهل المقابر=
والذل في بعض المواقف شجاعه=
ياقشر زقم الببغاء ممغوط =والفاطر القشرا حظينيه
فيصل الرياحي=
ابشرك ماعاد يبقى لك الا=
تطلع روس الجبال وتعلى =
وتدور بعير العرب وين فلى=
والذل في بعض المواقف شجاعه=
وفلانه الي عقلها ملعوط= طلقتها طلقه نهائيه
اقول ماقصرت لاكن خلك=
خلك تطلق لاتراوح محلك=
والي ذكرت اسبح عليهم بظلك=
الذل في بعض المواقف شجاعه=
ماحد على نوم الضحى مغبوط = ادخل مجال العالم الحيه