راكب اللي كل مايطري طريقن منتويله
يقطع الفرجه ولا يحسب بعيده من قريبه
صممه ولد الخواجه ومتفنن في مديله
جيب لكزز والمديل 2000والقوه غريبه
غير عن كل الجيوب الثانيه حاجه مهيله
صدره يم الخليج ومثلهم لازم يجيبه
هو خوي الرجل لاصارت مسافاته طويله
يطوي البيد ويقرب كل مشتاق لحبيبه
كثر ماوصل الخليج اكيد ماشفنا مثيله
من مديلن في مديل ودايم اوصافه عجيبه
ماورد قبله ولابعده ولانرضى بديله
من ورد ماذكر شين في تصاميمه يعيبه
يعجبك في وقت نوء ولابرق برق المخيله
والخوي الي على يمناك بفكارن لبيبه
مايجيب التايعه دايم ولا مد الهزيله
من هل الطاله يزيد الطيب دايم فوق طيبه
انتقي دايم رجال العرف ورجال الفظيله
والردي ممشي معه دايم عسى ربي حسيبه
ماينوبك من ردي العرف ياكود الرذيله
والختام الله يعين الخلق فالدنيا العصيبه
وكل رجالن على مر الزمن يلقى حصيله