صــــــــــيــــــــــاف=
لا والله الا جاتنـا بقعـا تـدق حجولـهـا=لآكن مدري من يجيب السيـف والخياليـه
لديت عينك يمهـا والنـاس مـا لـدو لهـا=واللي ما يعرف موقع القصيا يجيب موآليـه
أبـــــــــن شــــايـــــق=
لا والله ألا جـات بقعـا يقطـع الله زولهـا=أبشر بسيف ذياب لين تروح نفسك ساليـه
أنته بعقلك يالسحيمـي والعـرب بعقولهـا=وبغض السوالف تجرح العقـال و الجهاليـه
صــــــــــيــــــــــاف=
أخذ عشر لفـات بالكعبـه وخلـك حولهـا=لا تكبر الدلـه عليـك وتكسـر الفنجاليـه
هرج الشرف ما يجرح أديار الشرف ونزولها=ماني من اللي يارد الجمـه بغيـر حباليـه
أبـــــــــن شــــايـــــق=
أن كانها متعقـده عنـدك بجيـب حلولهـا=أنا تراي أعرف خروج البيـت والمدخاليـه
ماني براعي الجره اللي ردهـا فـي فولهـا=وأنته تعرف المرجلـه وتجـوز الرجاليـه
صــــــــــيــــــــــاف=
اللي يعقد أسرارها يمسـك علـى محلولهـا=وتجيه روس وآطيه وتجيـه روس عاليـه
الناس شافوا جمرة حمـرا ولا راحـو لهـا=واللي يخاف مـن العجـم عسـاه لسلاليـه
أبـــــــــن شــــايـــــق=
بنت الهوى باعتك يالحربي وبعت حجولهـات=بغى تشيل طويق مير طويق مـا ينشاليـه
أن كان هذي معرفتكم ما نبـي محصولهـا=أفلح قبل ياتيك من كفـي عصـى وعقاليـه
صــــــــــيــــــــــاف=
أنا مجود راسها والنـاس تحـت رجولهـا=ما يعترض فالحلـق غيـر دلالـة الدلاليـه
أن كان جات مهوله قحطان تمسـك هولهـا=الناس ما تحسب شهر واحد بغيـر هلاليـه
أبـــــــــن شــــايـــــق=
ماني مثل ذيك التيوس اللـي تهـز ذيولهـا=أدلالتي ذالليل لـو تزعـل دفعـت رياليـه
أن كان حرب أهل الحجاز يقودها مهبولهـا=حنا قبايل نجد مـا نرضـا خطـا وهباليـه
صــــــــــيــــــــــاف=
أنتـه تـدور للعلـوم ولا تعـرف أصولهـا=أشوف عينـك يالغليـم تقـل رأس خلاليـه
وآجب علي أخاطب العالـم بقـدر عقولهـا=يا مدور المكسب معي يا ليت رأس الماليـه
أبـــــــــن شــــايـــــق=
شهد على نقض المعاني وأعرف لمفتولهـا=العلم من صوبك وأنـا النقـاض والفتاليـه
الله يعيد ألك الحلول اللـي نسيـت حلولهـا=حتى تعود مـا لبسـت ثويبـك التفصاليـه
صــــــــــيــــــــــاف=
ماني مغير حفرة الزهلـول عـن زهلولهـا=لا والله ألا كثـرت الهرجـات والأقوالـيـه
الليل حطوا حاجة الهنـدول فـي هندولهـا=ماني مزعـل صاحبـي وأزعـل الرجاليـه
أبـــــــــن شــــايـــــق=
يا والله اللي قامـت الدنيـا تزيـد خبولهـاي=الله تعوض بخير يا محيي العضام الباليـه
________________________________________