السلام عليكم ورحمة الله وبركاته
اهداء لاعضاء وزوار المنتدى
شمس يالشارقه وانتي برحلة زوال=لك تميل الورود ولك تعانق نخيل
ويلمع طويق والصحرا وحب الرمال=في ديار ٍبناها ضرب حد الصقيل
أشرقي بارض فخر ومعقل ٍللرجال=واجلي الليل عن بيتٍ بناه الخليل
قبلة الناس من غرب وجنوب وشمال=والمشارق عليه بكل فرض ٍتخيل
مهبط الوحي في ذيك الربى والجبال=والفتوح الشهيره والقنا والصهيل
لو نطق لك حجرها من وطا بالتلال=ولو حكى القبر من هو تحت لحده نزيل
مجدها ماوراه امجاد هذا محال=مجدها المصطفى الداعي لربٍ جليل
جا بدين السلام وبلغه بالكمال=واشرق النور في دربه وصار الرحيل
سيرة المصطفى طول الدهر لاتزال=منبع العز والرفعه وخير الحصيل
سيرته مسلك الناجي وحبل الوصال=مع عظيم الجلال المعتلي والوكيل
والأمانه حملها اليوم راع الثقال=شامخ الراس ابو متعب ملاذ الدخيل
عاسف الصعب والوافي حميد الخصال=من جذور الأصاله والزعيم الأصيل
بيرق العز في يمناه رفرف وطال=طال صقر العروبه بالذراع الطويل
ريف شعبه وميراد القراح الزلال=في ذراه التجينا بالظلال الظليل
والله إنا معه بالروح وبراس مال=ينعدل في طريقه سيدي كل ميل
ميل عقاله وكل ٍيميل عقال=ياتطيح العقل بالروس واللا تميل
,,=,,
,,=,,