يسعدلي أوقاتكم جميعا أتمنى أن تحوز على ذوقكم الراقي
دكتور يادكتور لاتقول محتار = في الصدر قلي وش يجيب الحراره
هذي ثلاث أيام كني على نار = والعين واصل ليلها مع نهاره
باسباب من جتبه صواديف الأقدار = والله جمعنا بدار ماهوب داره
في دبــي قابلته وهو جاي زوار = وانا بعد مثله مجيي زياره
في بسمته تفتح الوان الأزهار = وفي ضحكته عز الديار وعماره
وفي نظرته بالعين أنا شفت ألاخطار = وفي جسمه المياس رده وغاره
واقفيت من عنده على غير ما أختار = بفراقها طعم الحلاوه مراره
دكتور وين الطب والمهنه أسرار = عطني دواء يطفي عن القلب ناره
قلبي كوه البعد والشوق جبار = وإنهار جسمي مثل بـــرج التجاره
اللي من أعلى طابقِِ جاك منهار = والكونقرس غطى عليها غباره
قضـــوه بالبوينق مجموعة أحرار = وأعلن بها بوش الزعيم الخساره