[عبدالمجيد الثعلي]

إليكم أحدث مانظمته أتمنى تنال رضى الجميع



والقصيده بنفسها تتحدث عن نفسها

القرار اللي إختص الفسـاد الإداري=طال عمر الذي صدّر من أمره قـراره
لكن سيول جده حولت بالكبـاري=والفسـاد الأصل ماهو فـسـاد الإداره
الذمم والنوايا والضميـر التجـاري=تنشرى النيه وتنبـاع حسب التجـاره
والإدارات لو إعدها بإختصـاري=تختص بكل مسؤلية بلا جــداره
والشعر موهبة ربي ماهي بإختيـاري=أحمد الله على خاره وأبا زود خـاره
طارت الطايره وأحدٍ قعد فالمطـاري=قبل تقلع على الركاب تأشر بإشـاره
حولها ضغط جوي وإنخفاض ٍ حـراري=والخطر قبل مايحدث سبب بإعتبـاره
كابتن الطايرّة يعلن هبـوط إضطـراري=وقال كبرّ الحريقـة عقب صغر الشـراره
مير مدري متى فالليل وألا النهـاري=والحـرارة طغت لأعلى درجات الحـرارة
إسمعوا كلمتي يا أهل المدن والحـواري=الطرق مظلمـه وين الطرق والإنـاره
ياعساها توقع فإذن بايع وشـاري=وفالصخر تنصخر مثل الخشب فالنجاره
مير يامعشر الشعـار الأمر الوزاري=صعبه يخصكم والشعر ماله وزاره
وكل شاعر تطور . والتطوّر حضـاري= يحذفونه من الصندق وسط الغمـاره
قلت :تدرون,,قالوا:مادرينا..أنت داري=قلت ما أدري وأنا داري وهذي شطـارة
من ضحك لي يبا يضحك بقوه لغـاري=لكن أجاملـه وأكتم صريح العبـارة
يوم أصارح بها جاري وجيران جـاري=كأن جاري مايسمع مثل جيران جـاره
الصراحه تلقتها هبوب الذواري=والأوادم تصيب كبودها بالمـراره
والحكم لله المعبـود . والحكم جـاري=ماش رمية بلارامي مايحفظ عيـاره
والدبابيس تظهر دم مثل الشبــاري=هذي الحاصلـه . لاتقطعون الإشـارة
لو على كتف الأعزل ينطلون السـواري=لو يقف بالسلاح أكيد وقفة خفـاره
الصبر زاد عن حده وطال إنتظـاري=واللي أجامله . يسمع صريح العبارة

وسلامتكم

آخر تعديل عبدالمجيد الثعلي يوم 30-Dec-2011 في 05:41 AM.