رشيد الزلامي ووصل العطياني محاوراتهم تعد على روس الأصابع
لكن الواحده عن خمسين من بعض المحاورات
طاروق له حوالي سنه في الطايف
أترككم مع الطاروق
الزلامي
تعال يا وصل العطياني نبا نمزح عليك = في ذمتي ما أنته برايح لي تونس حدها
أنته تعرض للمصايب والمصايب ما تبيك = وإن كان ودك بالصحيح إنك عتيبي قدها
العطياني
يا ابو جميل أنته تدورنا وحنا نحتريك = تمزح علينا ما دريت إن العرب من جدها
كان المصايب ما تجينا يا عساها ما تجيك = ....................................................
الزلامي
ترى الدروب اثنين وأنت اختار في هاذي وذيك = نبغى عتيبي لو يصدم فالسراه يهدها
بنت الهلالي وقتنا التالي تلد العين فيك = لكن لا تترك خبول الناس تلمس خدها
العطياني
أطلع على سطح القمر بإذن الذي ماله شريك = مار الكريم يقدم الحاجه ولا يرتدها
قامت تلزم في يديني بعد فكتها يديك= وأخذتها ماني بناشد ودها ما ودها
الزلامي
ترى حبيب والعصيمي حاسدين أمك وأبيك = لا يسمعونك ثم يقولون الجمال بشدها
باقي عتيبه صف واحد تحتمينا نحتميك = والكلمه اللي تستحي منها لا والله بدها
العطياني
الله يبارك فيك ويحفظك لعين (ن) ترتجيك = سيف (ن) تحزم به عتيبه ما يعود ضدها
يا ابو جميل أنته صقر لو نذبحه ما نشتويه= وأصحابنا في ستر ربي لا تبيح سدها