قبل عشر سنوات تقريبا
كنت من المتابعين (لمجلة اصداف الادبيه) وكنت انشر فيها بعض القصائد
وفي احدى الاعداد من المجله
نشرة احدى الشاعرات (بيتين شعر)
وعارضها عدد من الشعراء (اللي ينشرون وقتها بالمجله) منهم من ايدها ومنهم عارضها
وكنت انا من ضمنهم
مع انها هي ماقالت شي غلط ،،، ولاكن على ماقال احد الاخوان ، شعار ويمارسون هوايتهم
هي تقول
حلفت لاطلق خيول النظم وجيوشه = في مسرح الشعر صولاته وجولاته
واغزي حصون القلوب وعالي عروشه =ويصفق الكل لهاذا الشعر وابياته
رديت علاها انا اقول
يابنت خلي خيول النظم في حوشه = لاتطلقين الشعر تكثر هواشاته
لو قالها غيرك النا راح في هوشه =غدى كما الكوره اللي بين شواته
اما انتي الارض الك بالورد مفروشه =واللي سواتك ملباتٍ طلباته
نبا نعاونك على الشعر ونحوشه =ونحطك القايد الثاني لقواته
نعطيك بدال تاج الشعر طربوشه =ما كلف الله جسمٍ فوق طاقاته
مار احرصي لايضيع البشت فالطوشه =تحيزمي به ترى العربان شماته