[قيس العازمي]

[size=6]السلام عليكم ورحمة الله وبركاته


اقدم اليكم هذه القصيده اتمنى ان تنال على اعجابكم

ياللي على صوت الطبول تطبل = وتقول في بحر الهوى غرقاني
هوى الهنوف ام الثمان الذبَل = اللي لعوب وزينها فتاني
كلن على جبلة هواه مجبَل = وانا هوى بالي بشيٍ ثاني
انا هوى بالي وشفي بالبَل = عوج الرقاب وعدلة اللحياني
وضحٍ على قول الشباب اتهبَل = وفخوذها بالعرض كالبيباني
سنام وحدتهن تقول مدبَل = فجٍ نحرها والعضود امتاني
يعجب بها الوبال والمتوبَل = خصٍ لاخيل فوقها الوداني
شهر عليها كل عصر ايسبَل = لين النبات ايغطي الريضاني
ممشاك معها مقفيٍ ومقَبل = بين الهدير ولجة الحيراني
يسوى حياة اللي تقول مكبَل = محصور مابين اربعه جدراني
يفطر على فول وعشاه متبَل = ومرواحه من البيت للدكاني
هواه شوف ام الثمان الذبَل = ماشاقته وضحٍ هواها اشقاني

آخر تعديل قيس العازمي يوم 20-Dec-2011 في 03:21 AM.