الله يعطيك العافيه أخوي العزيز ... مطرح البعارين .
موضوعك رائع للغايه .. وحقيقه الاملاء مشكلتها مشكله .. والاساس فيها .. ماهوب المستوى العلمي . وهذا الكلام ماني جايبه من فراغ .. والتجارب لها دور كبير في مثل هذه المشكله المزمنه والتي تتكرر مع الاجيال جيلاً بعد جيل .. حيث ان القاعده هي الاساس ومن وفقه الله بمعلمين تمكنوا من تعليمه التعليم السليم فانه سوف يصبح بارع في الاملاء خصوصاً اذا ما مارس الكتابه والمناقشه المستمره حول الاخطاء وكيفية تعديلها . وكم من شخص لا يحمل الا الشهاده الابتدائيه يكون في الاملاء رائع وكم من شخص يحمل الشهادات العليا والاملاء عنده الله يخلف مثل اخوكم اللي مواصل في الكتابه الان .. ويغثكم بكثرة اخطائه الاملائه ، وحقيقه انني من يوم ماعرفت بان العلم واجب والمواصله والثقافه لابد ان يتحلى بها الشخص حتى يصبح له مكان بين اقرانه وانا والعياذ بالله من كلمة انا لا اجد اي عيب في ان يقال لي بانك لم تكتب تلك الجمله صحيح او انك اخطأت في الاملاء .. واتعلم من أخطائي ولله الحمد والمنه .. وكل مايخطر في بالي هو الدعاء .. بما معناه الله يسامح المدرسين اللي تعلمنا على ايديهم .. صحيح على ايديهم تعلمنا الضرب على مستوى صحيح اننا خرجنا مؤدبين ومهذبين ومقدرين لمن هو اكبر منا وتعظيم المدرس .. ولكن الاملاء خرطي .. ماعندك أحد .. ومع مرور الايام وجدنا انه لا داعي للبكاء فوق الاطلال عصبنا العصبه على الرأس وبدينا في المكافحه والمواصله حتى تمكنا بتوفيق من الله العلي القدير . وحصلنا على شهادة بكالوريوس ... والمواصله لدراسة الماجستير .. وقد أجتزت ولله الحمد المرحله الاولى والمتمثله في المنهجيه بتقدير جيد جداً .. ولكن الرساله حدث فيها مالم يكن في الحسبان .. والكلام فيها يطول .. حسبنا الله ونعم الوكيل .... ولا زال أخوكم مصر على الاستمرار وتعديل الرساله اللي حسدنا عليها من لايخاف الله ولا يراعي الذمم . والجهد والتعب مخلوف .. وان شاء الله تدور الايام واذا وفقنا الله لن نتوقف عند حد معين من التعليم . حيث ان التعليم ن لم ينفعك في شي فانه لن يضرك ابداً .
تقبلوا تحياتي واعتذاري للكتابه المطوله مع اعترافي بانني في الاملاء ماعندك أحد ... والبركه في اخواني اللي الامل متعلق فيهم بعد الله سبحانه وتعالى للتعلم معهم او من المميزن والفاهمين ولا عيب في ذلك . والسلام عليكم ورحمة الله وبركاته .