[عبدالله سعيد الجعيد]

ياوقت ياوقت ياوقت العنا والشك والريب=أكثر لياليك سود وغيضها أكثر من رضاها
فيها الردى والقطيعة والمهونة والعذاريب=وأيامك المقبلة ماني بداري وش وراها
والرؤوس مما نشوف من المشاكل تشتعل شيب=مشاكلٍ كل ساعة يلحق العاقل غثاها
وقتٍ جعل للهلايم قسم من مكسب أهل الطيب=تصول وتجول بين القوم والأمن يحماها
من عقب كانت بضاعة حايرة بين الجلاليب=اليوم في سوقها المكروه ماينقص غلاها
العالم الخايبة عدّت بها رؤوس المراقيب=وضعاف الأنفس تقدّسها وترفع مستواها
شيءٍ يبذ الخفا لكن دبّي يادباديب=الوقت دوّار والأيام دايرةٍ رحاها
واليوم أنا أقول تخسى لحيةٍ ماتعرف العيب=مهما تعلّت تراها ماتجمّل من نصاها
مادام ماتلتزم بالصايبات من المواجيب=بالرجل تنداس هيبتها بعد باعت وفاها

عبدالله بن سعيد الجعيد / أبو متعب

آخر تعديل عبدالله سعيد الجعيد يوم 15-Dec-2011 في 05:47 PM.