قصيده مسندها على اخي الشاعر / بدر الحافي
هاض الغرام وعاق من هزه الشوق= وامسى يون تقول مكسور ساقه
شاقه وشوقه من لبس برقع وطوق= هـزة كيانه لـين هــزه وعـاقــه
يا بدر تكفى مالهــا حلي بالسوق = ولاركبت الموتر وابو هنود ساقه
ولا تعرف الاسواق لاحق وملحوق = ولا شالت الارقام تبغى الصداقه
ريميةٍ عند البــدو تعشق النـوق = في وسط ذودٍ مثل وردٍ باقــه
هي منوتي لا صار ابوها ولد روق = والخال من برقا ونعم الرفاقه
يا بدر ياخويه بسوق المهر سوق= مع جيب شاص ومعه تسعين ناقه
مع تحياتي لكم % سلطان الحافي %