وهذا رد المشرف والشاعر (محمد الذيابي) ..
رداً على قصيدة الشاعر سهيل1 الموجهه لي شخصياً...
هلا يامرحبا ياشاعر جاب الكـلام الزيـن
كلام من ذهب والطيب من خاله وجدانـه
يقولون العرب ذكر الحيا والطيبيـن تبيـن
كـلام بيـنٍ للنـاس مفهومـه وبرهانـه
عتيبه درع جنبي محزمي لن جا النهار الشين
فعايلهم تبين أن جـا نهـار ثـار دخانـه
أنا مرضى عليك الميل يارجال لكن ويـن
خصيمك بينه والا لك الله هـات عنوانـه
تفضل ياسهيل وحط معدالك على المخطين
ولالك غير عدلن يرضى الحضـار ميزانـه
تراني مارضيت الميل يمك والعـرب داريـن
اراهن في كلامي واحتميته واكسب ارهانه
الا ياسهيل بعض الهرج مانوحيه لو هو شين
خصوصا لا صدر من ناس حساده ومرضانه
وحنا في وطن واحد ودستوره كتاب الدين
على دين الرسول نعيش والدستور قرانـه