[محمد الذيابـــي]

كان للشاعرة صالحة العبسانيه أخ شاب يدعى غازي فقد لاحظت عليه إمارات العشق , وكانت كثيراً ما تنهاه وتحذره ان يقلد السفهاء وتحثه على مكارم الأخلاق.
وفي ذات يوم من الأيام سمعته يقول:

يامرحبا ياللي على دارنا مر= رد السلام ولا معي فيه حيله
يامرحبا عدة حصى كشب واكثر=وعدة جرادٍ طايرٍ من مقيله
يا حلو زوله يوم لبس المشجّر=يا طا بمصبوب القدم في شليله

فردت عليه أخته صالحه بهذة النصيحة:

أنهاك ياغازي عن الحب الاقشر=أنهاك عن درب الهوى وتغدي له
راعي الهوى يمال جوع المجدر=ترى الهوى ماهو خطاة الخليله
ترى الهوى حسك وبر حلوة الدر=ليا بركت حيرانهن بالسليله
وترى الهوى عزم الركايب ليا مر=عن بيت خمعٍ ماينشط مقيله
خل الشحم والسمن للربع يكثر=مع منسفٍ دافي عليهم تشيله
من حينا والا بضين المتجر=عطهم ثمنهم نقد والا بحيله
ماهيب بنت اللي نعوله لهن كر=اللي على متنه تديفق صميله

التوقيع

التوقيع محمد الذيابـــي