محاوره جديده بين الشاعر سلطان الهاجري والشاعر عيضه الثبيتي
سلطان الهاجري
كل مامرّيت واد السيل ذكرني بشاعر=لو يجي مليون شاعر مايسدون بمكانه
ياعتابه ياعتابه لاتلومون الهواجر=الحقيقه ماتجي حسب المعرفه والميانه
عيضه الثبيتي
ليه ياسلطان بن وسام حركت المشاعر=والحقيقه من يقول الصدق صح الله لسانه
الليال دروب ياسلطان والشاعر مسافر=وانت مادري تذكر الباكور والا الخيزرانه
سلطان الهاجري
ماعلى راع العيون اللي تقديها المناظر=البلا فاللي عيونه ماتشوف الا وزانه
عاشوا الحيين والله يرحم اللي فالمقابر=من يغني له وسيمه قال انا عنتر زمانه
عيضه الثبيتي
يوم صكات الليال الاوله ويش أنت خابر=كن ابو زيد الهلاي ماتحرّك عن حصانه
انت ياسلطان تسرع مير جاك نظام ساهر=كان عينك ماتشوف الدرب قلت الدرب عانه
سلطان الهاجري
خابرً صمخ البيوت اللي تضيق بها الحناجر=يالشباب اللي على لحنه تعيد الاسطوانه
عيش عصر بلاك بيري من بعد عصر البياجر=اجهزتكم كلبوها من صيانه في صيانه
عيضه الثبيتي
الصحيح انا لنا فالمعرفه ماضي وحاضر=البلا لن مات ابن وسام واموتت خوانه
عندنا ضرب الرماح وعندنا طعن الخناجر=كان ابن وسام جوف النار يحذف جبخانه
سلطان الهاجري
ماعليه اللي وفاته ممكن تهز المتاجر=وانت لو اتموت ربعك يعصرون البرتكانه
اكثر الشعار برا يكتب اسمه فالعواير=وانحضر قدم النشاما في فمه ينشب لسانه
عيضه الثبيي
انت مايفقدك ياكود المجنن فالعنابر=المجنن تفقد المجنون من حشمة جنانه
ابتدا عصر التطور وابتدا عصر المظاهر=يوم صار الهاجري شاعر يدانه يالادانه
ـ
ـ