[نيزك]

المشاركة الأصلية كتبت بواسطة العــــــــابر

حياك الباري

ماكنت اتمنى ان تشخصن الامور يانيزك هداك الله

وابعد الله عنا وعنك النفاق فهو صفه مقيته ومذمومه بالرغم من انها سلعة العصر في هذا الزمان للاسف

وبالعكس لاني اخذ منك موقف ولابايكه كل واحد يوقف براحته وساهر موجود الله يكفينا شره

وكل مشاركتي في هالموضوع اوردت فتوى من شيخ وعالم دين اتفق عليه اهل السنه والجماعه

على حرصه وحبه لامته فاوردت الفتوى لعل الله وعسى ان ينفع بها .لكن مدري تسنها ماناسبت هالفتوى

الله العالم .......

ولاحدن معصوم غير المصطفى صل الله عليه وسلم مار الله يغفر لنا ويسامحنا.

بس يانيزك تعرف اللي جاء للقاضي يشكتي عينه مفقوعه وش سوى القاضي معه؟

وبعدين يانيزك انت تكرر كثير بقول راي وبعبر وماعمري شفت احد يقول لاتعبر ولاتقول رايك

بل بالعكس انت ماخذ راحتك ع الاخر ولاعمري قلت لك لاتقول رايك بارك الله فيك.

جزاك الله خير يانيزك ع النصيحه والمحبه من الله

حتى لو كنت ماتفق معك في بعض رؤس الاقلام فهذا حق مشروع وهو الاختلاف بالرغم من اني اتفق

معك بالكثير وهالشي موجود في كل غيور .

وبعدين وانا اخوك المحبه ماتجي الا عقب مصامخ وكر وفر ماتسمع سوالف الفريس الاولين

هههههههه اتمنى من الله ثم منك ان تعي انها مجرد نقاشات والامور بسيطه

يالعابر أيها العزيز .... والله أني لم اقصد من كلمة المنافقين إلا انها جاءت في السياق عند تذكري وتفكري في نار

جهنم اعاذنا الله وإياك منها

وبالنسبة للتعبير عن الرأي .... والله انني احترم إدارة هذا المنتدى الغالي

فقد غثبرت قلوبهم من كثر ماحذفوا لي .... او عدّلوا

وأحاول دائماً ان أجد لهم العذر ....

أنا مشكلتي اللي تبي تحوسني هي أني أحب الشفافية واكره اللف والدوران وكذلك المهايط والتكبّر و أهم شي التطبيل لمن ضرره اكثر من نفعه لهذا البلد

المهم ماعلينا
*
أنا استشفيت من مشاركاتك ان روحك كريمه وراقيه

وصدقني أنا لم اشخصن اي كاتب ممن احاورهم ولا ارد إلا على محتوى الكلام ومستواه

ولا افكر من هو الكاتب

لأننا نحن هنا في هذا المنتدى نحاول ان نقدم مانستطيع لقبيلتنا بشكل خاص ولوطننا بشكل عام

هذا الوطن الذي سكن القلوب وسكنته القلوب

.....
وبالنسبة لاختلاف الآراء فصدقني هي مايجعلنا نرقى موجه من امواج بحر الحياه المتلاطمه

فمرحباً بالاختلاف في الرأي معك ولن انتصر لنفسي لمجرد الانتصار لاوالله وأعوذ بالله من ذلك

وعندما اشعر انني جانبت الصواب واأخطأت ستجدني ارجع واقرّ بخطأي وليس في ذلك اي نقص

بل بالعكس سأكون تعلمت شيء جديد

.....

شيء أخر أخوي العابر ... أنا أرتكز في اجاباتي دائماً على القرآن وألسنه المطهره بفهمي البسيط دون تعقيد

وأركز ايضاً على الوضع الحالي المعاصر للناس ... واضع نفسي دائماً في مكان من سأتكلم عنه او انتقده او امتدحه

لخيرٍ قام به

وعادة أنا أحاول ان ارى افضل مافي الانسان .. فنحن لسنا ملائكه معصومين من الخطأ

...

العابر العزيز اسعد دائماً في التواصل معك ... ولو شبيّت عليّ شوي ماهنا خلاف وانا اخوك

شبّ عليّ وأشبّ عليك .... لين نحرقها نقعد على تلّها :d ههههههه

لااااا
الا
بإذن الله اننا نعمرها ولوجه الله فقط .... ولانريد جزاءً ولا شكورا

بحفظ الله ولاتحرمني المصامخ معاك .... *